POKE (Closed)

星期日我同女朋友去咗銅鑼灣食dinner.  行行下見到間食poke bowl既餐廳，雖然係星期日，可能係6點幾既關係，所以無乜人，平日經過都要等下先有位。裡面都算細，但係都算幾舒服。我個靚女女朋友叫既：TUNA，D配料係蟹籽、菇、蕃茄，再加牛油果(+$10)，個醬係wasabi yogurt。D tuna 都幾新鮮，雖然未到入口即溶，不過都算唔錯；最特別係個sauce，同埋D飯同配料一齊食好夾！！上面個個就係我叫既octopus，D配料有蟹籽、雞蛋絲、醃蘿蔔，再加牛油果，個醬係鰹魚汁。我就覺得D八爪魚普通D，不過都算爽口，所有野加埋個牛油果一齊食就幾有層次，不過個敗筆就係個汁同蘿蔔，搞到個飯濕咗D，我個人就建議wasabi yogurt，同埋唔好加蘿蔔。埋單$186，都算合理，分量都唔算細，連我好大食都覺得幾飽！