田園坊 (Closed)

呢幾日返工, 都發覺最近街上既聖誕氣氛開始濃厚啦~店舖既裝飾都開始出籠, 聖誕樹, 聖誕老人通通走晒出哩見人啦^.^咁o岩公司附近開左一間新鮮的健康果汁飲品店NATURAL GREEN, 見到佢既聖誕裝飾, 比佢吸引左我入去, 加上佢標榜自己的飲品唔加糖唔加水的, 姑且一試。 小店主打見到有紅菜頭, 係好多果汁店都唔見的。店員見我心大心細, 佢主動提議試下紅菜頭製既果汁。於是同同事要左一杯紅菜頭蘋果同埋一杯紅菜頭雪梨。 紅菜頭蘋果飲落感覺唔錯, 飲得出紅菜頭幾新鮮, 蘋果的甜味亦剛好中和蓋住紅菜頭輕微的泥味. 感覺好新鮮, 而紅菜頭雪梨飲落覺得比蘋果好些, 可能感係太甜, 更加飲到清新既味道。 兩杯野飲份量唔算小大大杯, 整體唔錯呀, 應該會有機會再買既, 我希望佢保持到呢個質量同保證啦. 因為灣仔好多果汁店都關門大吉了。