Video
Read full review
2012-06-14
6 views
同男友第一次食丼丼屋一去到就有位，唔洗等^^服務方面都唔錯，起碼識斟水，侍應們既應對說話都係一式一樣顯然係有Train過！餐牌上面既選擇其實唔算多，對於有選擇恐懼症既人黎講，其實不錯主要有幾樣：滑蛋飯咖喱飯烏冬小食&甜品我地好快就揀好了^^我：滑蛋雞肉丼 (+$15跟餐)男友：鰻魚丼跟餐包括：麵豉湯、蔬菜粟米沙律、牛蒡絲(小食)另外點左個芝士薯餅($35) 2大舊我個滑蛋雞飯好快上台~飯面上面有少許芫茜，所以唔食芫茜既人，記得要叫走芫茜呀^^滑蛋好多，令到個飯好Gel 我睇其他食評見有d人唔鐘意太多蛋汁gel住d稔飯既感覺但我剛好相反XD 我好鐘意食好稔既飯，再加好多既汁.......所以呢一點好適合我**【彈】但當我試一啖之後，問題就黎喇T^T"點解... ...無味既？@@"首先係個汁超淡，再食d雞....係完全冇雞味只可以憑質感認出佢係雞肉，而唔係靠個味T^T"好失望... ...原來依家食雞有雞味，唔係必然既事！**【讚】配菜：黃蘿蔔 反而又幾好味喎^^"食完覺得幾開胃跟餐既蔬菜粟米沙律新鮮，好好味XD兩粒車厘茄好飽滿，又多汁XD 個汁既味道好特別，少少酸，又香... .
一去到就有位，唔洗等^^
服務方面都唔錯，起碼識斟水，侍應們既應對說話都係一式一樣
顯然係有Train過！
餐牌上面既選擇其實唔算多，對於有選擇恐懼症既人黎講，其實不錯
主要有幾樣：
滑蛋飯
咖喱飯
烏冬
小食&甜品
我地好快就揀好了^^
我：滑蛋雞肉丼 (+$15跟餐)
男友：鰻魚丼
跟餐包括：麵豉湯、蔬菜粟米沙律、牛蒡絲(小食)
另外點左個芝士薯餅($35) 2大舊
我個滑蛋雞飯好快上台~飯面上面有少許芫茜，所以唔食芫茜既人，記得要叫走芫茜呀^^
滑蛋好多，令到個飯好Gel
我睇其他食評見有d人唔鐘意太多蛋汁gel住d稔飯既感覺
但我剛好相反XD 我好鐘意食好稔既飯，再加好多既汁.......
所以呢一點好適合我
**【彈】
但當我試一啖之後，問題就黎喇T^T"
點解... ...無味既？@@"
首先係個汁超淡，再食d雞....係完全冇雞味
只可以憑質感認出佢係雞肉，而唔係靠個味T^T"
好失望... ...原來依家食雞有雞味，唔係必然既事！
**【讚】
配菜：黃蘿蔔
反而又幾好味喎^^"食完覺得幾開胃
跟餐既蔬菜粟米沙律新鮮，好好味XD
兩粒車厘茄好飽滿，又多汁XD
個汁既味道好特別，少少酸，又香... ...成晚最出色就係呢個沙律
另一邊廂，我男友個鰻魚丼又點呢... ...
**【彈】太多飯焦
個丼係用石頭鍋咁上台既，好熱好熱既石鍋，令到d飯變晒飯焦
又係視乎個人口味而論啦，有d人係鐘意飯焦既^^"
但我同男友就唔鐘意，咬到癡晒牙，好辛苦
而且飯量又少... ...大部份都癡晒邊變晒飯焦喇
男友食完都覺得唔夠飽
另外，呢個鰻魚丼要成$98個 = ="
於我而言，呢種質素既鰻魚丼，真係完全唔值$98囉... ...
**【讚】
鰻魚好好味
**【讚】最正既野出場喇XD
就係芝士薯餅 $35 2件 (好多食評都有講佢，而且係推屆食物，男友就點一點黎試下佢係龍與鳳)
兩大舊，金黃色面既芝士薯餅，其實真係好吸引
我諗佢地用既炸油係A級油，而且有換油，唔會炸到有黑色既野，係好靚既金黃色XD
一咬落去，嘩T^T好熱呀... ...(心急的人好易辣親個咀XD)
咬左好多啖都唔見芝士既@@"
薯蓉好綿，啖啖都好幼滑，好正... ...
食到近中間位置，原來有好多白色既芝士醬~~~~(開心到暈)
芝士味濃，而且係流出黎咖XD配埋幼滑不留手既薯蓉，直頭係一絕
不過食完一舊之後，發覺好飽^^"哈哈
畢竟芝士&薯蓉都係易令人飽肚既食物
食飯期間侍應都幫忙加左兩轉水，服務方面都唔錯^^
埋單要行出門口隔離個收銀處賣單
暫時只有芝士薯餅&蔬菜粟米沙律令我神往~
其他食物T^T" 唔掂，或者下次我會淨係外賣呢兩樣食物啦XD 哈哈
Post
