Exotica Gelatea (Closed)

意大利歌劇服裝非常華麗，最引人入勝嘅喺演員好多時都會佩戴有氣派又做工相當精美嘅面具。除咗增加戲劇性，亦都適當咁隱藏住面具背後既演員。唔理喺邊個，唔理年紀，俾你純粹欣賞肢體動作同埋歌聲。 呢間以歌劇院為主題嘅漢堡包店，反而反其道而行。麻雀雖小，但裡面嘅裝飾，非常貼合歌劇院嘅主題。唯一唔同既係佢將面具掛係牆上，於是放肆地毫無遮掩地，喺門口寫明World's Best Wagyu Burger. 🍖 咁我就當然要去試下佢引以為傲嘅和牛漢堡。個包脹卜卜，保持著光滑同埋冇巢皮，而且一刀切落去索索聲。證明表面好脆，但裡邊又好柔軟。和牛處理得非常好。好多時手打和牛，會太過油膩，有時又會太過濕潤，肉就非常容易散開。呢度就唔好，和牛保持柔軟，但又互相黏連，保持口感。而且好有肉味。配合新鮮蕃茄，生菜，芝士。果然係值得驕傲嘅菜式。 🍖同聽歌劇一樣，去之前做定準備，就可以盡情咁享受供應者預先幫您預備嘅細節。同行朋友唔食肉，我一早上網睇定呢度有 Impossible meat既veggie漢堡。肉質保持 Impossible meat  一貫水準。但係除咗芝士之外，佢仲加入左洋蔥。洋蔥炒得甘香，又有爽脆咬口。再