Video
Read full review
2017-04-07
287 views
班馬騮游完水個個好似餓鬼，上次同肥髀食過呢間日本餐廳，佢仲念念不忘，順便再帶媽咪來食，去到無訂枱都ok，地方幾大，座椅唔迫，淺木加棗紅色梳化，光猛乾淨，坐低大家點自己喜歡嘅食物茶：夠熱幾香！麵豉湯：夠熱唔會好鹹，係廚房自煮嘅（即食沖湯係飲得出）加啲蔥同豆腐海帶！兩樣都好滑！日本風味！弘丼淺草（$108）媽咪食，啲魚生片好似掠衫咁掛滿個碗邊！堆滿個碗！好誇張！好靚！媽咪大讚呢度嘅魚生新鮮！香蔥伴藍鰭吞拿魚腩蓉海膽三文魚籽溫泉蛋（$128）個名長到癲，賣相好靚，好多吞拿魚腩蓉，打得嫩滑，好肥美好鮮，青蔥只有好少（因為太鮮味，一啲都唔使蔥去癖味）三文魚子好似寶石脹卜卜，鹹香好味，溫泉蛋嫩滑（比肥髀𢳂咗大半走）海膽一塊好鮮嫩，味道甘香，好濃嘅海膽甘味！正！白飯唔會好多，鬆軟剛好撈晒啲餸！二段丼（$158）（三文魚、藍鰭吞拿魚赤身、赤蝦、油甘魚、蟹籽、蟹肉、海膽、三文魚子、蛋、青瓜）肥髀堅持再叫！赤賣相好靚，魚生真正新鮮，全部厚切，解凍剛好，嫩滑又唔腥，魚味好新鮮，連平時唔食白身魚嘅肥髀都食晒（佢仲好奇問我係乜魚，話好好味）我食咗大大隻嘅赤蝦，好嫩好鮮，下層嘅飯好靚，中央挖洞藏咗塊新鮮海膽，好鮮
茶：夠熱幾香！麵豉湯：夠熱唔會好鹹，係廚房自煮嘅（即食沖湯係飲得出）加啲蔥同豆腐海帶！兩樣都好滑！日本風味！
6 views
0 likes
0 comments
10 views
0 likes
0 comments
6 views
0 likes
0 comments
8 views
0 likes
0 comments
4 views
0 likes
0 comments
鹽燒牛脷串（$38）牛脷串一串三塊，牛脷好厚身，又唔韌，好肥美，灑咗少少鹽吊味，剛剛好！
燒宮崎蕃薯仔（$28）我以為係欖核形嘅蕃薯仔，點知係切件嘅薯塊，外面燒到乾身，入面薯仔無渣，味道好甜（天然甜）好味！
3 views
0 likes
0 comments
3 views
0 likes
0 comments
1 views
0 likes
0 comments
巨峰梳打（$38）姨甥飲
菠蘿乳酸梳打（$38）肥髀飲，我飲咗一啖，菠蘿味道唔假（實在飲過太多藥水飲料）梳打唔算多氣泡，味道微甜！好味！
夕張蜜瓜乳酸梳打（$38）姨甥飲
岩鹽檸檬酒（$78）店員推薦，比想像中大杯，粉黃色嘅酒，飲落先係清爽嘅檸檬味，再在舌頭上感受到淡淡嘅鹽味散開！好清爽嘅感覺，第一次飲鹹嘅酒！感覺幾好！
魚生鮮到唔使點點芥辣（點咗浪費咗啲魚生）芥辣都係靚啲嘅粒粒芥辣，子薑好嫩無渣，微酸開胃！
喜歡呢度嘅店員有禮斯文有笑容，仲好包容，旁邊食客打瀉豉油，佢哋極速處理，又無黑面，而且又比到意見，好似我想試酒，女店員又熟又推薦啱我嘅酒！態度仲要親切，唔會因爲你唔識而「喵」你（實在有啲專業範疇客人唔識但又想試）來呢度嘅感覺好舒服！
食物好食，服務又好！值得我encore!
Post
