古朴年代咖啡．酒館 (Closed)

今次第二次黎食，上一次食DINNER，今次就食LUNCH。記得第一次黎,我地點左個薯絲pizza，叫咗杯玫瑰朱古力，都幾失望，因為所有野都唔夠熱，味道就ok啦。諗住比多次機會，雖然未至於難食，但都只可以用不過不失來形容。今次點咗個海鮮意粉，做到有少少似蛋餅，做法新鮮，只係一如以往，做法令人驚喜，但味道一般。 而杯朱古力則味道夠濃，唔錯。環境裝潢幾有特色，燈光昏暗，但座位幾擠迫，尤其是晚餐時段。