Video
Read full review
2022-05-07
3757 views
-🦄無肉食-晚市 假日Buffet 大人 Hkd155/1Rating🌕🌕🌕🌖🌑-當出街又想食好多菜嘅時候我諗 有時候食素食自助餐都係一個好好嘅選擇而荃灣分店嘅無肉食 我都係第一次去食之前都係幫襯旺角同埋中環分店～荃灣分店嘅面積好似有啲細 不過食物供應充足！我哋準時18:00開始拎野食食物款式選擇都多 而且出得好快隔一陣又Refill又出新嘢 真係食唔切！每次出新野大家都好興奮好開心🤣呢個氣氛真心好正 其實好欣賞呢個Refill速度分分中仲快手過啲酒店嘅上菜速度呀😌👏🏻-澱粉質方面主要有炒飯/炒河粉/炒麵/腸粉我自己就無食到澱粉質 所以不作評論不過就咁睇色水好似唔錯 幾靚幾上色！-當然有一向好受歡迎嘅魚香茄子同埋炒豆角啦～-我想講炒蓮藕真係幾好食 好有驚喜嘅味道！一向食開蓮藕都可能係啲煲湯嘅蓮藕又或者係鹹味嘅蓮藕 但係呢度係酸酸甜甜架好似食緊咕嚕肉個隻味 好開胃好清新而且蓮藕口感都唔錯 幾爽幾好咬～-翠玉瓜爽口鮮甜 而西洋菜都幾好食～同行嘅屋企人好鍾意呢味菜不過佢只係出過一次就無再出了T^T-個人最鍾意食番茄炒蛋 住家飯老是常出現嘅菜式但係因為我都好耐冇食住家飯嚕所以好耐冇食過番茄炒蛋
🦄無肉食
-
晚市 假日Buffet 大人 Hkd155/1
Rating🌕🌕🌕🌖🌑
-
當出街又想食好多菜嘅時候
我諗 有時候食素食自助餐都係一個好好嘅選擇
而荃灣分店嘅無肉食 我都係第一次去食
之前都係幫襯旺角同埋中環分店～
荃灣分店嘅面積好似有啲細 不過食物供應充足！
我哋準時18:00開始拎野食
食物款式選擇都多 而且出得好快
隔一陣又Refill又出新嘢 真係食唔切！
每次出新野大家都好興奮好開心🤣
呢個氣氛真心好正 其實好欣賞呢個Refill速度
分分中仲快手過啲酒店嘅上菜速度呀😌👏🏻
-
澱粉質方面主要有炒飯/炒河粉/炒麵/腸粉
我自己就無食到澱粉質 所以不作評論
不過就咁睇色水好似唔錯 幾靚幾上色！
-
當然有一向好受歡迎嘅魚香茄子同埋炒豆角啦～
-
我想講炒蓮藕真係幾好食 好有驚喜嘅味道！
一向食開蓮藕都可能係啲煲湯嘅蓮藕
又或者係鹹味嘅蓮藕 但係呢度係酸酸甜甜架
好似食緊咕嚕肉個隻味 好開胃好清新
而且蓮藕口感都唔錯 幾爽幾好咬～
-
翠玉瓜爽口鮮甜 而西洋菜都幾好食～
同行嘅屋企人好鍾意呢味菜
不過佢只係出過一次就無再出了T^T
-
個人最鍾意食番茄炒蛋 住家飯老是常出現嘅菜式
但係因為我都好耐冇食住家飯嚕
所以好耐冇食過番茄炒蛋 呢個真係超好食！
番茄比較大塊 但係一啲都唔會水汪汪
個汁唔會好稀 係有一定程度嘅濃稠度～
番茄鮮甜 而且雞蛋分量好多又好厚
啖啖雞蛋咁食真係好滿足好爽！
好好彩呢道番茄蛋都Refill左幾次 我都食左幾次！
-
薯仔比較硬 呢個我麻麻地推薦
因為個人比較鍾意食淋嘅粉嘅薯仔呢！
西蘭花只係出過一次 我係西蘭花控 表示可惜
不過西蘭花都係偏向爽口個啲口感
可以煮淋啲就好了haha軟熟啲個口感會好啲～
-
-
-
-
炸物Refill得最快而選擇又係最多！
不過我對炸物冇咩興趣 所以冇食到～
如果鍾意食香口野嘅人應該會好開心🥳
-
素餃好好食！
素餃只係出左一次咋…不過拎嘅時候有啲狼狽
因為佢會痴住哂好難分開
然後一次過會拎左4-5舊 不過味道唔錯
而且係比較清爽唔油膩嘅素餃～左邊係甜品
奶黃馬拉糕啲Friend 正正常常冇咩特別🤣🤣
-
呢個拔絲係最後15-30分鐘先出場
一出就震撼全場 個個都沖出去影相！
不過我哋已經食到好飽 準備走人～
所以影完相都冇食到就準備離開啦！
-
沙律區都唔錯！個人最鍾意食佢個茄子
不過味道好似唔同左
之前係中環食個陣係真係超好食
而家呢個好似冇咁好食 軟綿綿嘅茄子超正～
紅菜頭同埋醃蘿蔔都好食 清新開胃
不過本身諗住佢會有皮蛋豆腐…點知冇 傷心😭
-
整體來講 其實係幾抵食又滿足！
食到好多種唔同類至嘅蔬菜 味道唔差
有啲人覺得好油膩 我覺得還好啦可以接受
當然再少啲油會好啲 再健康一點！
-
最後食埋個勁薑嘅番薯糖水就真係大滿足
係薑多過番薯🍠嘅糖水 仲有好多雪耳～
所以兜糖水係冇咩甜味 感覺都唔錯幾好食呢！
-
星期日去 雖然先訂左位 但係都唔多人
即場Walk in都係十分之ok的！
-
Post
