Video
Read full review
2018-03-23
591 views
雖然冇人在意，但都係趁得閒同有記憶喺度，拿拿臨找數講返第二及第三次幫襯甜甜味嘅食評先~第一次幫襯OREO雞蛋仔，感覺甜度調味OK，但質感遠遠不如已結業的小食部，不過都決定畀機會佢，第二次幫襯嘅係蜜桃窩夫。或者即叫即整係老闆的堅持，但我想講真係幾慢吓，我幫襯前根本冇人排隊，但都等咗約10-15分鐘先有成品。味道方面，個窩夫確係做得唔錯的，熱騰騰又軟身，黃糖調味剛剛好，賣相不俗，個盒、餐具亦幾精美，同舖頭出面較烏煙瘴氣嘅環境可謂完全格格不入。第三次幫襯嘅係兩款梳乎里──紫薯醬士多啤梨梳乎里、花生醬梳乎里。今次係星期六嘅傍晚時份，由於前面有人排隊，而老闆亦係即叫即整，所以都等咗七、八個字，少啲耐性都唔得……先評價梳乎里整體質感，老闆呢款梳乎里嘅質感比較實，同而家比較興嗰種空氣質感完全兩碼子事，我個人就麻麻地，覺得鬆軟一啲會較吸引。加入紫薯醬同士多啤梨嘅梳乎里味道當然較佳，不過士多啤梨唔太甜、少酸，同紫薯醬嘅味道亦未算搭配得到。至於較寡嘅純花生醬梳乎里，花生醬算香，不過由於質感始終實，食完唔會有幾好味、值得再購買嘅感覺。個人認為，要為甜甜味嘅甜品排名的話，我會覺得窩夫>>雞蛋仔
第一次幫襯OREO雞蛋仔，感覺甜度調味OK，但質感遠遠不如已結業的小食部，不過都決定畀機會佢，第二次幫襯嘅係蜜桃窩夫。
蜜桃窩夫
$26
28 views
0 likes
0 comments
或者即叫即整係老闆的堅持，但我想講真係幾慢吓，我幫襯前根本冇人排隊，但都等咗約10-15分鐘先有成品。
味道方面，個窩夫確係做得唔錯的，熱騰騰又軟身，黃糖調味剛剛好，賣相不俗，個盒、餐具亦幾精美，同舖頭出面較烏煙瘴氣嘅環境可謂完全格格不入。
第三次幫襯嘅係兩款梳乎里──紫薯醬士多啤梨梳乎里、花生醬梳乎里。
紫薯醬士多啤梨梳乎里
$43
29 views
0 likes
0 comments
花生醬梳乎里
$33
21 views
0 likes
0 comments
先評價梳乎里整體質感，老闆呢款梳乎里嘅質感比較實，同而家比較興嗰種空氣質感完全兩碼子事，我個人就麻麻地，覺得鬆軟一啲會較吸引。
加入紫薯醬同士多啤梨嘅梳乎里味道當然較佳，不過士多啤梨唔太甜、少酸，同紫薯醬嘅味道亦未算搭配得到。
至於較寡嘅純花生醬梳乎里，花生醬算香，不過由於質感始終實，食完唔會有幾好味、值得再購買嘅感覺。
個人認為，要為甜甜味嘅甜品排名的話，我會覺得窩夫>>雞蛋仔>>梳乎里，而梳乎里嘅價錢係三者中最貴，大家可以衡量一下。
有批評先有進步，希望老闆繼續努力，睇報章雜誌訪問覺得佢算有心，而且又有即叫即整的堅持，態度非常良好，外賣餐具同盒頗精美，睇得出係有心做，不過暫時質素未去到話好值得等30分鐘以上。另外，由於出面較烏煙瘴氣，都希望老闆可以更加倍注意食物衛生。
為咗鼓勵一下老細，食物總評就畀4星啦，雖然4星只係畀窩夫，而唔係梳乎里 最後最後，希望老細開舖時間可以穩定啲，唔好令客人摸門釘。
Post
