覓炙 (Closed)

放工又喺灣仔食飯，好耐無食過韓燒，就揀呢間覓炙。晚市雖然有88折，但上到去得兩三檯，我估係因為樓上店又只開業半年掛~ 叫咗三款肉，韓味香葱西冷卷、黑毛豬五花腩卷、原味護心肉，同沙律韓式大葱沙律。大葱沙律好 flesh ，沙律汁小小甜，不過我嫌啲葱有少少生。香葱西冷卷，唔知係咪我燒烤技巧唔得，啲肉熟，但條葱仲勁生。如果燒得太耐，啲肉又韌，而且啲肉本身又無乜味。五花腩卷就不過不失，我燒到啲邊有少少脆口，又有少少肉汁，唔會乾爭爭。護心肉都有少少肉味，千其唔好燒太熟，又係易韌。幾碟都放咗洋蔥絲，令到味道較為單一，而且洋葱太多又會搶味。最後要讚一讚個爐，因為個抽風做得好，所以我地走都無乜油煙味。