簡品堂

Open Now

Now Closed

餅店：簡品堂地點：灣仔道菜式：麵包糕點餐牌：主打麻糬波波，亦有蛋糕，麵包，曲奇，布丁杯等等波波包裝簡單衛生，一袋有5個，每個都好似拳頭咁大。買個日見到有3日食用有效日期。擺到第二朝做早餐，個包都仲係好軟。拉絲芝士波波 $25拉絲芝士波波面頭有唔少粉末。聞落去已經聞到有芝士味，入面係粒粒芝士粒，可能整熱之後就有拉絲芝士。朱古力麻糬波波 $28朱古力麻糬波波係啡色，面頭有白色粉末，個包有微微嘅朱古力味，唔怕太甜，入面原來好多朱古力醬，最正係有煙韌麻糬。整體食完都唔覺太甜。班蘭戚風蛋糕 $58班蘭戚風蛋糕用個膠盒裝好，當然係綠色，而且大大個，好重手。質感都非常鬆軟，帶微微班蘭味道，唔會太甜。服務員建議如果唔係即日食用應該放入雪櫃，因爲無加防腐劑。我放入雪櫃幾日先食，都無問題。