魂燒 (Changed Hand) New Restaurant

成個冬天淨係食過三隻大閘蟹咁大把，見呢間日式小店價錢唔貴就可食到蟹膏飯，唔抱太高期望咁黎過下口癮。蟹羔都算香，足料，唔腥。有葱配搭之下，咸咸地，味道唔單調。調味嘅醬油同蟹羔有少許唔夾，不過份量唔多，可接受。至於呢間餐廳嘅其他方面，除左坐得迫、無冷氣、衞生欠佳、招呼不周、串燒質素差之外，都無野唔滿意嘅。（串燒係佢主打，其他野唔敢試）128元，過左口癮就算。