Video
Read full review
2023-08-22
34 views
重要節日慶祝所以今次揀咗食鐵板燒. 雖然係鐵板燒但係依家晚市有夏日感謝祭, set for 2都係1080.一早book定, 上到去就帶咗我哋入內場, 好闊落, 畀3枱客坐. 每個位都清楚睇到師傅整鐵板燒嘅過程. 仲可以即時同餐廳師傅溝通自己嘅preference. 坐低食完沙律同茶碗蒸之後就即刻有新鮮sashimi! 魚生肥帶子甜, 一嚟就刺激你嘅味蕾. 同時間你已經見到師傅喺前面燒緊兩隻大大隻生猛虎蝦. 師傅處理蝦嘅手法純熟, 乾淨俐落. 都係簡單調味, 食到嘅大多係蝦嘅原生味道. 一燒完意嘅即刻送到面前嘅食物熱辣辣. 肉質厚實又唔韌. 仲撈埋蝦頭嘅味道. 成隻蝦都完美運用到.鮑魚都係頗為活躍, 煮熟後都好彈牙. 配埋佢嘅xo脆脆醬都係相得益彰. 呢個時候staff拎咗啲佢哋自家製嘅辣椒醬畀我哋配食物食. 同xo脆脆醬好似但係係堅辣! 但係慢慢習慣咗佢嘅辣之後我幾乎所有嘢都配佢嚟食, 真係惹味好多. 跟住落嚟嘅鵝肝好!邪!惡! 邊食邊滴油ahh! 但係真係好!好!好!正! 完全唔吝惜咁大大舊鵝肝畀你, 每啖都好香口幼滑. 脂肪是什麼, 我今晚不知道喎!到牛嘅部份師傅都會問我哋想要幾
一早book定, 上到去就帶咗我哋入內場, 好闊落, 畀3枱客坐. 每個位都清楚睇到師傅整鐵板燒嘅過程. 仲可以即時同餐廳師傅溝通自己嘅preference.
坐低食完沙律同茶碗蒸之後就即刻有新鮮sashimi! 魚生肥帶子甜, 一嚟就刺激你嘅味蕾. 同時間你已經見到師傅喺前面燒緊兩隻大大隻生猛虎蝦.
師傅處理蝦嘅手法純熟, 乾淨俐落. 都係簡單調味, 食到嘅大多係蝦嘅原生味道. 一燒完意嘅即刻送到面前嘅食物熱辣辣. 肉質厚實又唔韌. 仲撈埋蝦頭嘅味道. 成隻蝦都完美運用到.
鮑魚都係頗為活躍, 煮熟後都好彈牙. 配埋佢嘅xo脆脆醬都係相得益彰. 呢個時候staff拎咗啲佢哋自家製嘅辣椒醬畀我哋配食物食. 同xo脆脆醬好似但係係堅辣! 但係慢慢習慣咗佢嘅辣之後我幾乎所有嘢都配佢嚟食, 真係惹味好多.
跟住落嚟嘅鵝肝好!邪!惡! 邊食邊滴油ahh! 但係真係好!好!好!正! 完全唔吝惜咁大大舊鵝肝畀你, 每啖都好香口幼滑. 脂肪是什麼, 我今晚不知道喎!
到牛嘅部份師傅都會問我哋想要幾多成熟, 我哋就揀咗3成. 厚燒一啖過, 滿足~
最後炒飯必須多蔥! 炒菜時候睇住師傅勁邪惡咁落咗好多牛油, 所以出到嚟都係好香牛油味.
最後嚟個哈密瓜雪糕做happy ending 😌
🏝 夏日感謝祭
🥙 前菜
🥗 季節沙律
🐟 時令刺身三品盛盒
🦐 沙巴原隻野生海虎蝦
🦪 南非活鮑魚配日式XO脆脆醬
🥠 法式鵝盰配紅酒黑醋
☀ 以下四選一
1. 美國頂級牛肉厚燒
2.日本鹿兒島黑豚肉
3.日本A5宮崎和牛薄燒
4.日本A5宮崎和牛厚燒
🍚 京都特色炒飯
🥘 季節野菜, 大蜆麵豉湯, 漬物
🍦 特色甜點
Post
