RBTea

Open Now

Now Closed

晚飯時間在太子/旺角中間想簡單食個意粉，入咗去始創中心覓食，所以見到呢間餐廳就入去。當日週末晚間咁大間餐廳都只係坐咗幾枱客。餐牌上選擇都幾多。套餐價格不菲，相較之下單點一碟意粉$100左右，價格比較合理，不過就無飲品。我叫咗份鮮茄煙三文魚螺絲粉，茄醬係非常普通嘅茄膏+茄汁+少少鮮茄味嘅意粉汁，我覺得有少少水汪汪(尤其螺絲粉都比較藏水)；螺絲粉都似係預先煮定再翻熱，成碟意粉嘅感覺同翻叮嘅即食飯盒無咩分別。不過幸好煙三文魚份量都唔少。賣相亦似快餐式西餐。唯一可讚嘅就係環境寬敞，而且客人唔多，所以坐得相當舒服。不過餐廳晚上9點就閂門，夜啲去嘅話可以坐嘅時間都唔長。