星林居酸辣米線餐廳

Open Now

Now Closed

多年前係尖沙咀工作時，最鍾意去呢間鋪頭食碗米線再去利時行街shopping 。當時店舖總廚以首創麻辣+酸辣湯米線獲獎，都可算係米線既先河，每次食都要等位。明火小鍋米線湯底味道以酸味較突出，無咩麻辣味。比以往又麻又酸又濃郁既湯底差好遠，亦無咁惹味。餸款選擇同以前一樣無變過，今次揀左3餸，豬軟骨熬煮得太耐，肉質較（鞋），且邊邊位燶咗。豬腩肉和油麥菜都只係簡單白烚的，米線量好多。其他補充無新元素，味道又比以前失色，對比現時市場五花八門既米線店，會被比下去。當日lunchtime時段去，客量只有數位。