Video
Read full review
2018-03-07
2968 views
一年一度嘅紀念日，當然要食好啲去慶祝喇!!! 男朋友原來已經準備好，一早訂左呢間米芝蓮餐廳同我慶祝!!! Penthouse位於登龍街，位置非常方便就腳。餐廳位於最高層，景觀非常一流!!餐廳預留左望海嘅位置俾我地，真係好貼心。柔和嘅燈光加上音樂，氣氛好浪漫呢。Penthouse有2人晚餐，有餐廳唔同嘅招牌菜式，同男朋友決定點2人晚餐試試。麵包烤得香脆，配上自家製嘅香草醬，酸酸地幾得意，都唔錯。前菜點了出名嘅Deviled crab cake，蟹餅賣相好吸引呢。蟹餅真材實料，蟹肉一梳梳，鮮味十足。蟹餅配上3款醬，最鍾意芒果莎莎醬酸酸地，好開胃。另一款前菜係24months aged parma ham，parma ham嘅咸香遇上哈蜜瓜嘅甜，好夾呢，而且再加上白松露油，非常香!!!湯因為我唔飲蘑菇湯，店員提議可以加錢轉海鮮湯。海鮮湯用料好豐富，有大蝦同青口等等。湯底紅紅令人以為係蕃茄味，原來係濃濃嘅海鮮味道!!! 海鮮都好新鮮，青口非常軟嫩，男朋友非常妒忌呢。肉肉迷嘅我，主菜必定要食牛扒喇。U.S. prime rib eye steak點了5成熟，牛扒配上燒汁同松露cream，份量都幾
Penthouse位於登龍街，位置非常方便就腳。餐廳位於最高層，景觀非常一流!!
餐廳預留左望海嘅位置俾我地，真係好貼心。柔和嘅燈光加上音樂，氣氛好浪漫呢。
Penthouse有2人晚餐，有餐廳唔同嘅招牌菜式，同男朋友決定點2人晚餐試試。
麵包烤得香脆，配上自家製嘅香草醬，酸酸地幾得意，都唔錯。
51 views
0 likes
0 comments
前菜點了出名嘅Deviled crab cake，蟹餅賣相好吸引呢。蟹餅真材實料，蟹肉一梳梳，鮮味十足。蟹餅配上3款醬，最鍾意芒果莎莎醬酸酸地，好開胃。
另一款前菜係24months aged parma ham，parma ham嘅咸香遇上哈蜜瓜嘅甜，好夾呢，而且再加上白松露油，非常香!!!
54 views
0 likes
0 comments
湯因為我唔飲蘑菇湯，店員提議可以加錢轉海鮮湯。海鮮湯用料好豐富，有大蝦同青口等等。湯底紅紅令人以為係蕃茄味，原來係濃濃嘅海鮮味道!!! 海鮮都好新鮮，青口非常軟嫩，男朋友非常妒忌呢。
52 views
0 likes
0 comments
肉肉迷嘅我，主菜必定要食牛扒喇。U.S. prime rib eye steak點了5成熟，牛扒配上燒汁同松露cream，份量都幾多，男仔唔會唔夠飽。
肉眼扒多汁，牛油味濃郁，唔會鞋口，肉質幼嫩，配上燒汁，好好味!!! 份量對我黎講都比較多，要男朋友幫口先食得哂!!
貪吃嘅我仲加配左薯條，因為牛扒同薯條本來就是一對的!!! 薯條可選擇粗幼，鍾意脆口，所以揀左幼薯條。薯條香脆可口，唔油膩，加上少少鹽調味，而且配上松露蛋黃醬，搖身一變變成松露薯條，男朋友都食到lam lam脷!!!
主菜之後，當然便是甜點登場嘅時間!!! 甜品係拼盤的，有唔同款式，啱哂心多多嘅我!! 拼盤最鍾意奶凍，奶凍好嫩滑，而且牛奶味好濃郁，差唔多我自己一個人獨佔呀!! 甜品拼盤份量剛剛好，每款份量細細地，唔怕食唔哂。
食完後，店員提議我同男朋友可以去露台影張靚相。露台位睇維港夜景更一流，完全冇任何東西遮蔽，更加令人陶醉喺美景當中!!!
對於男朋友今次嘅安排我好滿意呢!!! 米芝蓮晚餐相當好味!! 另外，店員服務都好好，好細心同貼心，會講解少少菜式。
Post
