Video
Read full review
2021-03-13
2029 views
❀ Cornerstone #中環 ❀❗️米芝連推介 賣相簡約味道驚喜滿分❗️——————————————————留意咗呢間餐廳好耐，原來佢哋係米芝蓮一星Arcane大廚嘅另一間casual dining餐廳，亦獲得米芝蓮推介🤩而當中嘅大廚Shane Osban仲曾經參加過Netflix’s真人廚藝比賽Final Table並成功晉身決賽，即刻馬上Book位。單睇餐牌唔太講得出佢係邊一類菜食，即使上菜嘅賣相亦唔算非常特別，但味道真係極之出色，完全係口腔爆發出嚟，非常好食，十分推介🔥🔥🔥仲唔收加一服務費！.位於蘇豪區馬路旁，門口細細，行過亦唔算特別顯眼。內裏裝修簡單、較細，但絕對臥虎藏龍(*☻-☻*)當日嚟到都全場爆滿，所以有興趣可以預先網上訂位。.✷𝑀𝑒𝓃𝓊✷Lunch Set $298星期六嚟到都有午市套餐，不過就只係包一個頭盤同一個主菜，但就唔收服務費。另外Menu上都會見到單嗌嘅價錢，唔算平，但食完之後真係覺得超值😍！.☞ Starter一共有五款選擇♥ Steak Tartare (4.4/5)對生牛肉他他難以抗拒，所以一見到就即刻決要試。嚟到已經俾佢多重層次嘅擺盤吸引🥰係生牛肉表
❗️米芝連推介 賣相簡約味道驚喜滿分❗️
——————————————————
留意咗呢間餐廳好耐，原來佢哋係米芝蓮一星Arcane大廚嘅另一間casual dining餐廳，亦獲得米芝蓮推介🤩而當中嘅大廚Shane Osban仲曾經參加過Netflix’s真人廚藝比賽Final Table並成功晉身決賽，即刻馬上Book位。單睇餐牌唔太講得出佢係邊一類菜食，即使上菜嘅賣相亦唔算非常特別，但味道真係極之出色，完全係口腔爆發出嚟，非常好食，十分推介🔥🔥🔥仲唔收加一服務費！
.
位於蘇豪區馬路旁，門口細細，行過亦唔算特別顯眼。內裏裝修簡單、較細，但絕對臥虎藏龍(*☻-☻*)當日嚟到都全場爆滿，所以有興趣可以預先網上訂位。
.
✷𝑀𝑒𝓃𝓊✷
Lunch Set $298
星期六嚟到都有午市套餐，不過就只係包一個頭盤同一個主菜，但就唔收服務費。另外Menu上都會見到單嗌嘅價錢，唔算平，但食完之後真係覺得超值😍！
.
☞ Starter
一共有五款選擇
♥ Steak Tartare (4.4/5)
對生牛肉他他難以抗拒，所以一見到就即刻決要試。
嚟到已經俾佢多重層次嘅擺盤吸引🥰係生牛肉表面加上少許松露片同埋巴馬臣芝士脆片，提升鹹香味。底下再加上一啲香脆芹菜同埋芥茉醬，令到成個味道口感更加豐富，係一個層次好多嘅他他💖！
Steak Tartare
148 views
0 likes
0 comments
.
♥ Pumpkin Salad (4.9/5)
第二個頭盤掙扎咗一段時間，好好彩揀咗呢個南瓜沙律，真係世界級好食🤩！
應該係我食過人生中最綿最香甜嘅南瓜，加咗少少橄欖油去烤焗，腍到不得了！
再配上炸到香脆嘅羽衣甘藍、極度香口嘅杏仁片、同埋奶香十足嘅burrata cheese，所有未做極為平衡，無可挑剔😋！
Pumpkin Salad
49 views
0 likes
0 comments
.
☞ Mains
♥ Waygu Steak Sandwich (4.6/5)
望落去普普通通，但真係好好味😭。
用上ciabatta bread，應該搽左大量牛油再去焗🙈邪惡但係口感外脆內鬆軟，牛油味勁香！
牛扒揀咗medium rare，腍得嚟又有少少咬口(自己覺得同coffever所用嘅牛扒有啲相似)，不過牛味就唔算好重，但撇除呢一點，加埋佢哋香濃嘅mustard mayo, caramelised onion，味道極出色☺️！
Waygu Steak Sandwich
83 views
0 likes
0 comments
.
♥ Grilled Spanish Octopus (4.6/5)
烤到極香嘅八爪魚🐙！
口感彈牙得來仲有種creamy嘅感覺，難以形容，簡直係食過最好食嘅八爪魚！
本身就咁食其實已經夠鮮甜，配埋西班牙蕃茄果仁醬romesco suace，就更加香濃，好好食😋！
Grilled Spanish Octopus
133 views
0 likes
0 comments
.
☞ Dessert
♥ Hazelnut Sable $108 (4.5/5)
食完主菜其實都好飽，但實在太好食，亦見網上唔少人推薦佢個甜品，決定要試埋😆！
果然冇錯，順滑香濃嘅榛子忌廉，佢想一層層極到香脆嘅餅乾，配搭稱唔得上特別，但真係好好味！
另外加咗少少醃製香蕉蓉，同埋黑朱古力條，平衡味道😚。
Hazelnut Sable
73 views
1 likes
0 comments
——————————————————
✨整體味道: 4.7/5
✨環境裝修: 4/5
✨服務態度: 4/5
✨性價比: 4/5
✨再訪興趣: 4.5/5
.
💞整體來講
非常超級極之好食😍😍😍每一道菜都讚嘆不絕，$300左右唔使加一食到頭盤主菜覺得抵返晒，即使好飽都要食埋甜品，實在太高質，絕對值得米芝蓮嘅美譽😆環境方面就唔算太闊落，係間小餐館，建議有興趣預先上網book位。
Post
