米子燒肉家 (Closed)

今次同女朋友去到粉嶺，本身諗住打邊爐，不過早兩日食完，所以周圍行吓見到有間燒肉好多人食，價錢又抵食，一於就坐低試下，餐廳環境都幾闊落舒適，唔會坐得好迫。✨A4日本和牛放題女朋友係牛肉控，牛肉一上枱已經好興奮！四款和牛油花分佈好靚，澳洲M5和牛肩胛、日本A4熊本和牛肉眼、日本A4熊本和牛肩胛和美國SRF極黑和牛三角肉都係牛味香濃又多汁，肉質嫩滑彈牙，食完一轉再encore。✨ 甲羅燒甲羅燒上面加了鵪鶉蛋、蟹籽、香蔥和沙律醬，撈埋一齊再放落去燒，燒緊已經好香蟹膏未，入口已經好重蟹膏味，十分惹味。120分鐘任食套餐有超過50款食物可以揀，肉類和海鮮都很新鮮，好抵食。飲品就要自己出去攞嘅自家製飲品有菊花普洱、玄米綠茶同洛神花茶仲有好多款無酒精同酒精飲品可以任飲。總結:食物款式種類多，而且食材新鮮，上菜速度很快，值得再黎。