花說 (Closed)

一間粉紅少女風嘅餐廳, 入面有好多粉紅色系/少女風嘅擺設同道具可以俾人影相, 加上播住韓文歌, 幾有韓國café 嘅感覺, 如果你鐘意韓風同同埋打卡影相, 呢度應該可以滿足到你!鮮茄德國腸意粉蕃茄比例好多,平均分佈喺成碟意粉度, 德國腸個人覺得有少少辣, 不過配合埋蕃茄就酸酸甜甜咁好開胃! 唯一係覺得份量如果多返D就好了! (可能因為太開胃+本人比較大食XD) Dreaming (紫薯士多啤梨奶)呢杯算係佢地招牌之一(?) 因為見到差唔多張張枱都有XD 造型賣相的確係好吸引, 紫粉色嘅飲品加上五顏六色嘅棉花糖, 非常之少女風! 同時仲有旋轉木馬做裝飾, 淨係拎來影相都抵! 飲品紫薯味都幾重, 味道唔算太甜, 似紫薯味ge 奶昔!亞熱帶果茶亞熱帶果茶嘅賣相都好特別, 小鳥茶壺蓋旁邊有一棵乾花做裝飾, 連個杯都係好特別嘅花底玻璃杯, 一細杯可以兩啖就飲哂XD 味道就係普通花茶味(本身我以為會係台式水果茶), 但原來只係有花茶葉, 入面係無水果嘅! 味道幾香但有少少偏酸, 不過無添加任何糖嘅茶會係健康之選!