Video
Read full review
2022-06-16
193 views
灣仔美食數之不盡，但近期最Hit嘅就係呢間少女粉紅系素食餐廳，其實一直都有唔同嘅素食餐廳，但講到裝修風格，呢一間一定唔可以錯過，位於藝術中心既JAJA，設計獨特，由粉紅色同紫色做主調，連天花嘅設計都別有風格，採用螢光粉紅嘅霓虹燈，加上花海佈置及雲朵燈飾，令到成個空間都充滿少女心，打卡簡直一流💖💖餐廳面積超大，每一個位置都係精心嘅設計，就好似我依家坐緊呢張枱咁，整張枱都佈滿粉色花花，而全間餐廳只係得兩張咁有特色嘅枱，所以如果你哋都想喺呢個咁精緻嘅枱用餐就記得一定要預早兩至三個禮拜book定啦😆😆今次就試吓佢啲素食睇下可唔可以做到出色先😌😌🍣提生糙米壽司拼盤(6/12件):屬於必叫既菜式之一，唔好睇佢係糙米，其實味道都唔錯，佢嘅味道同一般壽司差唔多，但餡料好豐富，雖然冇肉嘅成份喺裏面，所以做得都唔錯，我哋叫咗六件，每款都有特色，主要材料包括有茄子，牛油果，酸瓜等，佢嘅紫菜卷都特別過人，紫菜變咗天婦羅，仲有花做裝飾，變到好精緻💖💖🥔脆綠薯球配紅菜頭腰果醬:唔講唔知原來素食都有咁香口嘅嘢，出面睇好似炸蟹餅咁，但裏面係綠色我諗應該係菠菜餡嚟，咬落去份量都幾多同埋有少少似菠菜既味，味道竟然唔錯，佢
餐廳面積超大，每一個位置都係精心嘅設計，就好似我依家坐緊呢張枱咁，整張枱都佈滿粉色花花，而全間餐廳只係得兩張咁有特色嘅枱，所以如果你哋都想喺呢個咁精緻嘅枱用餐就記得一定要預早兩至三個禮拜book定啦😆😆
今次就試吓佢啲素食睇下可唔可以做到出色先😌😌
🍣提生糙米壽司拼盤(6/12件):屬於必叫既菜式之一，唔好睇佢係糙米，其實味道都唔錯，佢嘅味道同一般壽司差唔多，但餡料好豐富，雖然冇肉嘅成份喺裏面，所以做得都唔錯，我哋叫咗六件，每款都有特色，主要材料包括有茄子，牛油果，酸瓜等，佢嘅紫菜卷都特別過人，紫菜變咗天婦羅，仲有花做裝飾，變到好精緻💖💖
🥔脆綠薯球配紅菜頭腰果醬:唔講唔知原來素食都有咁香口嘅嘢，出面睇好似炸蟹餅咁，但裏面係綠色我諗應該係菠菜餡嚟，咬落去份量都幾多同埋有少少似菠菜既味，味道竟然唔錯，佢絕對唔會有臭青味之餘咸度啱啱好，不過紅菜頭腰果醬就有啲失望，佢睇落去紅卜卜但係唔係好重紅菜頭味，腰果更加唔覺有，佢嘅質感好似乳酪咁，用嚟點薯球好似怪怪地🤔🤔
🦋牛肝菌蝴蝶粉:首先佢嘅份量都適中，唔會好少，睇落去白色既似蘑菇醬但食落又諗唔到係咩嚟，蝴蝶粉嘅軟熟度調教得幾好，佢除咗醬汁之外就只得雜菇，我想講啲菇係好咸，因為吸晒所有嘅精華，其實成個粉都好咸，食咗一半已經食唔落，之後有同佢哋反映，佢哋都有講唔好意思會同廚房講聲，希望下次有機會再嚟嘅時候會有所改善啦🙏🏻🙏🏻
🍏青蘋果薄荷冰茶:唔好睇佢青BB成杯藥水咁，其實飲落真係幾Fresh，青蘋果味又夠，薄荷又夠多，所以飲落好有清新嘅感覺😆😆
🍩粉空漫霞Do Or Donut (strawberry):成間餐廳最矚目嘅就一定係呢杯特飲，佢總共有4款口味，要注意啦，其中一款係有酒精嘅Baileys，我呢一杯就係士多啤梨味嘅特飲，佢嘅實物真係超震撼，好大杯，好有少女嘅味道，所有嘅甜品集於一身，首先佢有個雪糕筒嘅造型，另外有個士多啤梨味嘅冬甩，下面嗰啲絕對唔係雪糕嚟，佢係由cream組成，所以你可以打卡打到走都唔會溶😂😂，側邊圍住既係jelly beans，而裏面就係士多啤梨味嘅乳酪飲，初初睇落去以為係奶昔，點知係乳酪，所以都唔算好膩，總括來講只有裏面嘅士多啤梨乳酪係唔錯，其餘既雪糕筒唔脆，冬甩乾淨淨😅
其實呢間餐廳可以一試，佢哋將素食變得淋漓盡致，今次嚟到Pizza冇貨，試唔到佢，下次都會再嚟試吓其他唔同款，同埋呢度打卡的確一流😍😍
Post
