一門 (Closed)

呢日放工之後同男朋友去左銅鑼灣食飯，我地搵左一間日本餐廳食dinner，呢間餐廳既日式裝修令人感覺好似去左日本咁。野食仲好別緻。今次點左好多野食。刺身方面，點左呢碟深海池魚皇角切，池魚切到好薄，非常新鮮，簡單咁點醬油已經好好食。另外，呢度既招牌東洋卷都唔錯，佢係用薄薄既蛋皮包住牛油果、鰻魚同蟹籽，層次豐富。呢度既壽司亦都好高質，最鍾意佢既帶子壽司，帶子超鮮甜。牛肉壽喜燒好足料，湯底好香濃。最後，仲有呢碗炒飯，夠哂飽啊。