Video
Read full review
2021-06-30
1294 views
以前提起 FOOD COURT， 感覺較低檔，而且食物質量都不敢抱太大期望隨著近年大改革，好多 FOOD COURT 的質素大大提升就好似佐敦逸東酒店地庫的FOOD COURT, 大裝修後，變得年輕化，裝修好有格調，而且進駐的餐廳質素都好高，大大改變左FOOD COURT俾人的一貫印象今次揀左我最愛的越南食物 Fuhn 呢間，係一間北美的越南菜，介紹寫係具有強烈加拿大味道的柬埔寨越南河粉雖然無乜頭緒，不過可以試試~越南食物，抵食又好食，仲好飽肚而且佢唔似泰式野咁多辣，好啱小朋友食~餐牌簡單易明，單點一個粉/飯 + 16蚊就會變成一個套餐 (飲品+小食+沙律) 另外仲有一個DIY 的MIX and MATCH, 自己揀湯底 & 粉/飯 (HKD 50) + 餸 (不同餸不同價錢) 我同女2個人，就叫左2個餐同1個小食，嘩嘩嘩，豐富到不得了~生牛肉湯粉 HKD 65 + 套餐 (HKD 16) 越式湯河，呢碟小配菜簡直係靈魂呀~ 除左有芽菜，辣椒，仲有九層塔，青桔同好似幾種香草 食入口的香草味比以往的都濃郁~ 將湯底的口味提升了一個層次有見到那個湯底非常清澈嗎？上網睇番先知原來Fûh
隨著近年大改革，好多 FOOD COURT 的質素大大提升
就好似佐敦逸東酒店地庫的FOOD COURT, 大裝修後，變得年輕化，
裝修好有格調，而且進駐的餐廳質素都好高，大大改變左FOOD COURT俾人的一貫印象
今次揀左我最愛的越南食物 Fuhn
呢間，係一間北美的越南菜，介紹寫係具有強烈加拿大味道的柬埔寨越南河粉
雖然無乜頭緒，不過可以試試~
越南食物，抵食又好食，仲好飽肚而且佢唔似泰式野咁多辣，好啱小朋友食~
餐牌簡單易明，單點一個粉/飯 + 16蚊就會變成一個套餐 (飲品+小食+沙律)
另外仲有一個DIY 的MIX and MATCH, 自己揀湯底 & 粉/飯 (HKD 50) + 餸 (不同餸不同價錢)
我同女2個人，就叫左2個餐同1個小食，嘩嘩嘩，豐富到不得了~
生牛肉湯粉 HKD 65 + 套餐 (HKD 16)
越式湯河，呢碟小配菜簡直係靈魂呀~ 除左有芽菜，辣椒，仲有九層塔，青桔同好似幾種香草
食入口的香草味比以往的都濃郁~ 將湯底的口味提升了一個層次
有見到那個湯底非常清澈嗎？上網睇番先知原來Fûhn使用來自奧地利GRANDER®技術的水淨化系統，從製造肉湯到每一種飲料的每一滴水都通過4種不同的水淨化和過濾來處理。
透過GRANDER®獨一無二的技術，將飲用水轉化成軟水，從而提升食物的味道和質感。
呢個係Fuhn 的特色黎。 但對消費者黎講實在好有心思呀~
安格斯生牛肉
因為我影相搞太耐，牛肉變左well done, 不過依然無改佢嫩滑的口感
雖然熟哂但一d都唔嚡。 而且片片都大大塊，份量仲少架~
河粉底，我必揀金邊粉 (越式野嘛) 呢度既粉底份量非常多 ，如果細食的女生，真係可以一個粉2個人share 都夠
餐套的越式春卷，一D都唔馬虎，2條春卷都有條生菜墊底個春卷好脆卜卜，又唔油膩~
跟餐仲有一個沙律架~
阿女要食豬扒，而套餐又無得揀, 唯有叫一個MIX & MATCH 啦老實講，價錢唔平的~ $50 的湯底 再加 $28蚊的香茅豬扒 ，加埋成 78蚊。
不過又咁諗，食個日式拉麵都 98蚊，咁食呢個又唔算貴啦~XD
呢個豬扒真係心抵食同好食一黎份量夠多，二黎個豬扒非常鬆化。香茅味非常惹味
以28蚊呢個價錢，絕對超值 推介推介
因為口痕，所以叫多左個小食自家製手打蝦餅 $85
呢度既蝦餅係一大塊，唔同坊間一舊舊個D自來貨，因為佢係自家製的。
外皮炸得非常香脆，入口好有蝦味，仲見一粒粒蝦肉~一D都唔粉頭。非常高質
飲品的造型好有驚喜估唔到係FOOD COURT 呢D地方竟然會有咁靚既COCKTAIL 造型杯
呢度既飲品都用上「加能德™」活水架~
特別要讚下呢度既飲品攪拌捧都用上環保的紙同木
Post
