Paper & Coffee

Open Now

Now Closed

大學飯堂永遠同頹can劃上等號，餐牌選擇永遠離唔開螢光汁豬扒飯，粟米肉粒飯，燒味，午餐肉，既唔健康亦無趣味。Paper & Coffee其實係brew note旗下分店，為大學生活帶來一抹新既朝氣，為懂咖啡同enjoy咖啡既朋友係S記P記以外，為同學同Staff奉上有質素既食物同咖啡。店內環境舒服，空間闊落，不過亦因為受歡迎，所以某D時段會十分多人。Cafe經常扮演孕育革新，創新，交流獨立思想既角色，其實其他大學應該要引入更多同類cafe，帶來更多創新既土壤。食物方面選擇唔多，主要都係旬之菜飯同牛肉烏冬，味道簡單清爽，但相對健康同自然。而作為一間Cafe, 當然係各種既咖啡啦，house brew, flat white, cappuccino, mocha, cold brew....值得一讚既係佢提供虹吸咖啡，讓人可以享受當造咖啡豆既果香同甘甜。今次飲既係黎自肯亞水洗咖啡豆，係淡淡既帶著提子乾同甘蔗香味，飲既時候記得咖啡係會隨溫度變化而散發唔同既香味，所以記得唔好心急慢慢品嘗，但人少既時段barista都會好友善地介紹番隻咖啡既特性，值得一讚。