Barg (Closed)

午飯時間和友人到銅鑼灣食飯，見到時代廣場附近的大廈有間義大利餐廳，決定上去食。入到去第一個感覺係被環境渲染到，覺得好舒服好有格調，加上我地避過左人流，所以整體上食得安全又放心。食物方面，午市套餐真係好抵，性價比好高。美國西冷配法邊豆脆炸薯條份量十足，而且薯條係現炸，牛排五成熟上到檯切出黎，加埋餘溫，剛剛好，食上口鮮嫩。煙三文魚忌廉菠菜扁意粉另外我最滿意嘅係菠菜和煙三文魚比例上平衡得非常好，而且食上口creamy 又香滑。成個套餐有齊餐湯餐包，仲有飲品，而且小食甜品加錢都係20蚊一份。既然要食一餐滿足嘅大餐，我和友人點埋甜品，係芝士蛋糕，擺盤精緻適合打卡之餘，咬上口軟軟糯糯，而且配搭埋士多啤梨，中和整個口感。