Video
Read full review
2023-03-28
535 views
已經幫襯咗好多次，亦都係自己喺將軍澳區入邊心目中嘅No.1🥹🥹佢哋主打fusion澳洲菜，唔單止舖頭上面嘅裝修花咗好多心思，食材明顯都有認真研究，每一啖味道同層次都極度豐富。食材配搭特別有新鮮感得黎，又配合得好好，擺盤又擺得精緻，完美地體現咩叫色香味俱全😚😚佢哋Menu上面嘅菜式改名都有花心思，全部都係叫__ __ lover🤣 有meat lover, yogurt lover等等啱晒鍾意食唔同食材嘅人～今次就推薦其中三款先：1. Croissant Lover $128軟殼蟹｜牛角包｜太陽蛋｜自家製酸青瓜｜是拉差沙律｜食用花由食材選擇已經盡見店家心思，炸軟殼蟹同牛角包非常鬆脆，但如果得呢兩樣食材口感會有啲單一同乾，所以店家配上左隻流心太陽蛋😋😋加上酸青瓜，口感即刻豐富左好多!!👩🏻💻8.5/102. Meat Lover $128鹿兒島豬扒｜竹炭麵包｜自家製醃紅椰菜｜青蘋果椰菜沙律｜是拉差沙律醬｜食用花呢份炸豬扒麵包真係夠晒份量🤣🤣吉列豬扒外皮香脆肉質扎實（唯一雞蛋裏挑骨頭係可以醃得再入味啲），配上熱辣辣嘅竹炭麵包，真係又大份又好食😋😋👩🏻💻8/103. Poultry Lov
佢哋主打fusion澳洲菜，唔單止舖頭上面嘅裝修花咗好多心思，食材明顯都有認真研究，每一啖味道同層次都極度豐富。食材配搭特別有新鮮感得黎，又配合得好好，擺盤又擺得精緻，完美地體現咩叫色香味俱全😚😚
佢哋Menu上面嘅菜式改名都有花心思，全部都係叫__ __ lover🤣 有meat lover, yogurt lover等等啱晒鍾意食唔同食材嘅人～今次就推薦其中三款先：
1. Croissant Lover $128
軟殼蟹｜牛角包｜太陽蛋｜自家製酸青瓜｜是拉差沙律｜食用花
由食材選擇已經盡見店家心思，炸軟殼蟹同牛角包非常鬆脆，但如果得呢兩樣食材口感會有啲單一同乾，所以店家配上左隻流心太陽蛋😋😋加上酸青瓜，口感即刻豐富左好多!!
👩🏻💻8.5/10
2. Meat Lover $128
鹿兒島豬扒｜竹炭麵包｜自家製醃紅椰菜｜青蘋果椰菜沙律｜是拉差沙律醬｜食用花
呢份炸豬扒麵包真係夠晒份量🤣🤣吉列豬扒外皮香脆肉質扎實（唯一雞蛋裏挑骨頭係可以醃得再入味啲），配上熱辣辣嘅竹炭麵包，真係又大份又好食😋😋
👩🏻💻8/10
3. Poultry Lover （Spanish Duck Leg ）$198
8小時慢煮西班牙鴨脾｜白甘荀蓉｜紅菜頭｜藜麥｜蒜味包糠｜橙果醬｜紅皺菜｜食用花
最後呢個係我嘅最愛🥹🥹皆因每個配料真係match得天衣無縫🤯🤯特別想讚一讚個橙果醬（第一啖食落口未知道係咩醬，只係覺得好特別，甜得嚟又有果香），個汁真係校得好好，好驚艷🥹🥹🥹仲有個白甘筍蓉，咬落口順滑到一個點！本身以為會偏油膩嘅鴨髀，配上咁清新嘅橙香醬同甘筍蓉，完全冇油膩之感。所以話，店家真係將食材運用得非常之好，佩服佩服💖💖
👩🏻💻9/10
Post
