The Junction HK (Closed)

見到九龍城有一間新嘅西班牙餐廳，滿心期待，所以星期日就去試下。入到去，新裝修，感覺幾好。兩個人叫咗和牛漢堡同西班牙海鮮飯各一客，share 食。和牛漢堡味道正常。薯條少，好油。漢堡個包好乾太脆，好似焗得太耐令麵包失去水份。西班牙海鮮飯飯味道正常。但配料就係得一隻蝦兩隻峴，足唔足夠真係見仁見智。份量少，食完都唔飽。加$13有其他飲品。凍latte正常。熱洛神花茶好細杯，咁就要加$13。兩個人食咗$299。呢個價錢九龍城仲有好多選擇。