Chill Vietnam Cuisine and Bar

Open Now

Now Closed

受到中國菜和法國菜影响, 形成越南菜嘅飲食特色。餐廳位於荔枝角D2 place, 裝修簡潔平實, 木製傢俱有著民族風味。青木瓜軟殼蟹沙律青木瓜絲和生菜絲清甜爽脆, 大隻軟殼蟹開兩邊, 外脆內軟熟甘香, 開胃嘅小食。河內蒸粉卷 4件粉皮薄滑, 饀料香脆惹味, 點埋配備醬汁, 更為美味。椰汁叻沙葉燴青口伴炸油條燴青口熱鍋上桌, 炸油條以架掛起另上, 店員提示以剪刀剪開油條點青口醬汁食用。椰汁叻沙葉醬汁甜滑充滿椰汁香味, 青口厚肉鮮甜。油條香脆, 點配椰香醬汁, 味道好配合。蝦膏海鮮炒河粉河粉細條幼滑, 海鮮切成粒狀, 伴勻蝦膏, 夠曬鹹香惹味。越式提拉米蘇賣相精緻, 餅身甜濕軟綿, 混合餅面咖啡粉, 忌廉和手指餅, 香甜可口有層次。