Video
Read full review
2023-04-08
69 views
近排周圍搵吓租盤，其中一個心水樓盤就係位於屯門嘅御海灣，喺西鐵屯門西鐵站出咗再搭輕鐵一陣間到屯門泳池站一落輕鐵就會見到呢個屋苑，屋苑樓下有唔少食肆同超市，而依間餐廳喺外面睇已經感覺到面積唔細，裝修亦都好新淨，門口放咗唔少花造既熊啤啤，非常吸引！餐廳有室內同室外座位，坐喺室外嘅感覺都好chill, 不過今日天氣有啲大風，所以我哋就選擇咗坐室內。坐低冇耐見到附近有兩張枱都叫咗威靈頓牛柳，賣相非常好👍🏻好吸引我！於是我哋就決定一定要嗌一客兩個人share! 我哋再分別叫咗一客意粉和豬鞍扒。香煎帶子磨菇醬扁意粉-有好濃郁嘅魔菇味，仲落咗唔少芝士，無論材料同味道多超級好！威靈頓牛柳-威靈頓牛柳嘅份量都唔少㗎，餐廳好細心，將佢一分為二，方便我哋兩個人一齊分享！厚切低溫伊比利亞豬鞍扒- 大家要留意伊比利亞豬鞍扒係低温慢煮，所以有少少粉紅色，唔洗擔心唔夠熟！豬鞍扒好juicy! 一啲都唔鞋！味道非常好！仲配有兩款醬汁，分別係焦點蘋果和芥末醬，仲有唔少配菜，呢客係我最喜歡既❤️❤️今餐好飽，雖然見到餐廳嘅甜品Menu好吸引，有好多款式，仲要價錢唔貴，最平嘅$20都有交易，譬如冬甩芝士餅等等，好想食甜品，但
近排周圍搵吓租盤，其中一個心水樓盤就係位於屯門嘅御海灣，喺西鐵屯門西鐵站出咗再搭輕鐵一陣間到屯門泳池站一落輕鐵就會見到呢個屋苑，屋苑樓下有唔少食肆同超市，而依間餐廳喺外面睇已經感覺到面積唔細，裝修亦都好新淨，門口放咗唔少花造既熊啤啤，非常吸引！
餐廳有室內同室外座位，坐喺室外嘅感覺都好chill, 不過今日天氣有啲大風，所以我哋就選擇咗坐室內。
坐低冇耐見到附近有兩張枱都叫咗威靈頓牛柳，賣相非常好👍🏻好吸引我！於是我哋就決定一定要嗌一客兩個人share! 我哋再分別叫咗一客意粉和豬鞍扒。
香煎帶子磨菇醬扁意粉
-有好濃郁嘅魔菇味，仲落咗唔少芝士，無論材料同味道多超級好！
威靈頓牛柳
-威靈頓牛柳嘅份量都唔少㗎，餐廳好細心，將佢一分為二，方便我哋兩個人一齊分享！
厚切低溫伊比利亞豬鞍扒
- 大家要留意伊比利亞豬鞍扒係低温慢煮，所以有少少粉紅色，唔洗擔心唔夠熟！豬鞍扒好juicy! 一啲都唔鞋！味道非常好！仲配有兩款醬汁，分別係焦點蘋果和芥末醬，仲有唔少配菜，呢客係我最喜歡既❤️❤️
今餐好飽，雖然見到餐廳嘅甜品Menu好吸引，有好多款式，仲要價錢唔貴，最平嘅$20都有交易，譬如冬甩芝士餅等等，好想食甜品，但真係食唔落，唯有下次再嚟試吓啦！
Honor Knight Restaurant (屯門)
屯門海皇路23號御海灣地下24-26號舖
Post
