熊貓小雲吞 (慈雲山中心)

Open Now

Now Closed

放工幫同事拎返部電腦返屋企，佢住喺慈雲山，攪掂晒就落去商場熊貓小雲吞食嘢，餐廳主打細細粒手工小雲吞、涼皮和麵食等，同事話好好食，叫我試吓！餐廳是自助形式，用餐地方整潔乾淨，座位舒適。一口鮮蝦豚肉雲吞20隻，小雲吞外型精緻小巧，一口一粒，雲吞皮滑溜薄身，餡料飽滿，有蝦肉和豚肉，湯底有多款選擇，揀咗蝦米紫菜湯，味道清甜。卜卜脆炸鮮蝦雲吞，即叫即炸，外層金黃香脆，餡料粒粒都有鮮蝦，十分爽口。再點少許酸酸甜甜嘅醬汁，特別好味！一口粟米豚肉雲吞配蝦米紫菜湯，新鮮豬肉加埋粟米特別鮮甜。每款湯底都加有芫茜蔥，增添香味！啖啖肉豬扒粗麵:豬扒煎炸至金黃色，肉質夠鬆軟同JUICY，粗麵彈牙，配蝦米紫菜湯鮮甜美味。芝麻鹽焗手撕雞，雞肉嫩滑入味，配青瓜好爽口。見到架上有醬料同埋醃菜，例如辣椒油、麻辣醬、口水雞醬、菜脯、花生、脆脆豆等，係自家製產品，我買咗樽辣椒油試吓，果然用料十足，夠辣度好好味！