Video
Read full review
2020-04-05
1500 views
#06032020近排由於肺炎關係，大家都減少左外出食野，多左好多舖頭提供外賣服務。不過，連打邊爐都可以外賣，我真係第一次試（之前都想試左好耐既其中一間黃店）。616出名既就係牛，有好多唔同國家唔同部位既牛。今次嗌左7款，由上至下排出😋😋😋牛上肋：油脂分佈好平均，好軟好有牛味安格斯橫隔肌：少油脂都柔軟西班牙雪花胸肋：偏向多油脂，但淥完就唔油膩澳洲和牛內裙肉澳洲五花趾美國天然肩胛翼板：正常打邊爐牛肉牛鴕峰：最濃牛味但質感偏鞋除左牛之外，都有其他配料嗌既，例如水魷、手打墨魚滑。我個人覺得無咩特別，所以屋企打邊爐的話可以自己配其他野。不過有個小食好值得推介，油趣魚皮。佢係辣辣地又好惹味既一個前菜小食。個魚皮個樣望落去好似好淋咁，其實好爽口👍🏿如果鍾意手工啤既朋友，佢地都有自家製啤酒（同埋都有啲非酒精既飲品）
近排由於肺炎關係，大家都減少左外出食野，多左好多舖頭提供外賣服務。不過，連打邊爐都可以外賣，我真係第一次試（之前都想試左好耐既其中一間黃店）。
616出名既就係牛，有好多唔同國家唔同部位既牛。今次嗌左7款，由上至下排出😋😋😋
牛上肋：油脂分佈好平均，好軟好有牛味
安格斯橫隔肌：少油脂都柔軟
西班牙雪花胸肋：偏向多油脂，但淥完就唔油膩
澳洲和牛內裙肉
澳洲五花趾
美國天然肩胛翼板：正常打邊爐牛肉
牛鴕峰：最濃牛味但質感偏鞋
除左牛之外，都有其他配料嗌既，例如水魷、手打墨魚滑。我個人覺得無咩特別，所以屋企打邊爐的話可以自己配其他野。
不過有個小食好值得推介，油趣魚皮。佢係辣辣地又好惹味既一個前菜小食。個魚皮個樣望落去好似好淋咁，其實好爽口👍🏿
如果鍾意手工啤既朋友，佢地都有自家製啤酒（同埋都有啲非酒精既飲品）
Post
