泰國小吃 (Closed)

是日同班朋友係西貢行完山，出返黎市中心已經7點好肚餓，於是就去西貢市中心果個好多野食既巷仔搵野食，見到呢間好多人叫外賣，於是就入去試下。叫左一款飲品及一碗粉麵試下。椰青，睇落好新鮮，唔似係重用個殼果D，而且夠哂大個又唔算貴!泰國雞鴨粉，見好多人都係呢間餐廳叫雞飯，但我行完山又唔想食咁多野，叫個粉食就最好。湯底很清甜，泰國雞D肉好嫩滑，唔會好「鞋」。鴨肉亦都好甜同埋唔「鞋」，呢個絕對係驚喜位。金邊粉很爽口，唔會變左一pat咁，超好味呀!再配上枱上有既調味料一齊食，特別有泰國風味!呢間舖頭雖然係小店，但係味道非常有泰國風味，食物價錢亦唔會好貴，而且叫外賣的客人人來人往，正明佢既雞係好好食!下次入黎西貢一定會再黎食!