Amica

Open Now

Now Closed

今晚響始創中心買完野之後,就順便搵間餐廳食晚飯。路過3樓一間叫Amico 西餐廳，見佢都好寬敞,出面仲有open area,而晚市套餐選擇都好多，賣相又吸引，所以就入咗去食。餐廳嘅裝修好有格調，座位之間都好寬敞，好適合三五知己或者情侶食飯傾偈。晚市套餐有好多選擇，例如西式意粉/通粉，牛扒，羊架，唔食紅肉嘅可以揀比目魚，或者三文魚。我哋揀咗一個大蝦意大利粉，同埋西冷牛扒。今晚嘅餐湯係南瓜湯，個湯好creamy好滑，南瓜好清甜，好好味。大蝦意大利粉個賣相好靚，大蝦嘅數目都好多，以呢個價錢嚟講真係估佢唔到。蝦肉好鮮甜，肉質好結實，一啲都唔霉，龍蝦汁意粉靭度適中，非常好味。西冷牛扒七成熟啱啱好，煎得唔會好乾，外脆內軟，牛肉好冧好Juice，而且好重牛味，配埋焗薯同西蘭花，食得相當滿足。飲品方面我哋揀咗紫薯牛奶同埋玫瑰蘋果冷泡茶。紫薯牛奶好重紫薯味，牛奶好滑，成個配搭都好match。玫瑰蘋果好香好清甜，食完個牛扒再飲冷泡茶，可以消一消滯。估唔到始創中心都係一個臥虎藏龍嘅地方。