Club Albergue 1601 (Closed)

今次係第二次同佢屋企人嚟呢間餐廳食飯，我哋唔特別愛好生蠔，所以冇特別叫佢最signature嘅生蠔嚟食。☺️我屋企人不經思索地order咗一份蟹肉魚子醬沙律作為前菜，亦都係我當晚最喜歡嘅菜式。啖啖濃味嘅魚子醬配上淡淡嘅蟹肉沙律，味道好夾，好好味😋，加埋香脆嘅蒜蓉包，將豐富咗果口感，鮮味又再提升一個層次。嚟到一定要嗌呢一個菜嚟食呀！😋😇第二個值得推介嘅係佢嘅虎蝦帶子意大利飯。佢嘅意大利飯軟硬度做得啱啱好，唔會太過生，亦都唔會冇咗意大利飯應有嘅粒粒口感👍🏻👍🏻。虎蝦同帶子亦都煮得啱啱好，唔會太老，食落口嫩口嘅！不過意大利飯始終都係比較heavy，食兩啖就已經覺得有啲飽囉！😂而佢嘅甜品都做得唔錯。心太軟，佢中間朱古力流心嘅部份，時間調校得啱啱好，唔會太liquid，所以唔會流到成隻碟都係，每一啖嘅心太軟都唔會浪費👍🏻😍。配埋個雲呢拿雪糕，味道好正㗎！而個tiramisu 亦做得好好，但係就有少少細杯，唔係好夠喉🤫😋。一班朋友想飲杯酒happy hour，唔飲酒飲杯特式咖啡都得，食下野，傾吓偈，唔嫌貴左少少，呢度絕對係一個好好嘅選擇😍😍。