Video
Read full review
2024-07-24
152 views
我一直以為，Chilli Lime係一間泰國菜。直到今日嚟到將軍澳Monterey分店，先知原來佢係一間食泰國菜、印度菜、素菜同海鮮嘅餐廳。所以今次我哋係每樣嘢都叫啲😎。泰式牛油果鮮蝦沙律 - 非常新鮮嘅牛油果、鮮蝦配上新鮮蔬菜同泰式醬，理所當然地清新開胃。Pani Puri - 呢個街知巷聞嘅印度小食，一個個空心油炸球入邊本身已經填咗調味嘅薯蓉，再倒入提供嘅泰式醬汁同炸粒，無論味道同質感都係頂級，係非常高水平嘅餐前小食。原隻炭燒魷魚 - 其實魷魚本身冇乜味，不過質感清爽彈牙，唔會一嚿嚿黐住。最重要係配上泰式醬汁，味道好夾，好啱作為濃味主食前嘅前奏。紅咖喱檳榔葉燒牛肉 - 店主推介。原本我以為Pani Puri已經係MVP，點知呢個仲勁。清新略甜嘅紅咖喱本身有椰汁味，淨係咖喱汁配上滿滿蒜蓉味嘅印度薄餅naan，本來已經無敵。但加上燒牛肉嘅效果更上一層樓燒牛肉根本就係由一塊牛扒切出嚟嘅效果，肉質鮮嫩有油分，配上紅咖喱實在難以形容，已經有米芝蓮級數了。最後要講埋嘢飲。”Pineapple Spitzer”粉紅佳人嘅樣子，甜酸都足夠，但都唔及”Mango Delight”，淨係佢個外型已經引
直到今日嚟到將軍澳Monterey分店，先知原來佢係一間食泰國菜、印度菜、素菜同海鮮嘅餐廳。所以今次我哋係每樣嘢都叫啲😎。
泰式牛油果鮮蝦沙律 - 非常新鮮嘅牛油果、鮮蝦配上新鮮蔬菜同泰式醬，理所當然地清新開胃。
Pani Puri - 呢個街知巷聞嘅印度小食，一個個空心油炸球入邊本身已經填咗調味嘅薯蓉，再倒入提供嘅泰式醬汁同炸粒，無論味道同質感都係頂級，係非常高水平嘅餐前小食。
原隻炭燒魷魚 - 其實魷魚本身冇乜味，不過質感清爽彈牙，唔會一嚿嚿黐住。最重要係配上泰式醬汁，味道好夾，好啱作為濃味主食前嘅前奏。
紅咖喱檳榔葉燒牛肉 - 店主推介。原本我以為Pani Puri已經係MVP，點知呢個仲勁。清新略甜嘅紅咖喱本身有椰汁味，淨係咖喱汁配上滿滿蒜蓉味嘅印度薄餅naan，本來已經無敵。但加上燒牛肉嘅效果更上一層樓燒牛肉根本就係由一塊牛扒切出嚟嘅效果，肉質鮮嫩有油分，配上紅咖喱實在難以形容，已經有米芝蓮級數了。
最後要講埋嘢飲。”Pineapple Spitzer”粉紅佳人嘅樣子，甜酸都足夠，但都唔及”Mango Delight”，淨係佢個外型已經引來全場目光，結果差唔多每枱都有一杯😂。
呢間Chilli Lime嘅質素超出個人預期值得一嚟再嚟，難怪我哋平日坐到七點幾已經全場滿座。
Post
