Video
Read full review
2019-07-05
172 views
Olive Cafe位於荃錦同中染之間嘅紅磚貨倉隔離，自從瑞典傢俬店開幕同紗廠活化後，荃灣開始度度成為旺區。Olive Cafe有幾張室外枱，位於行人天橋底，唔怕淋雨，適合帶埋寵物一同用餐。餐廳集bar & dining cafe於一身，想hh飲杯嘢或食個正餐都好適合。叫咗兩個晚餐，包括湯+餐包、前菜、主菜同餐飲。湯、前菜同餐飲可以按需要upgrade，今日唔餓，要咗最basic。蕃茄湯酸酸哋，加埋香芒沙沙吞拿魚好開胃。主菜(C餐)先上嘅係德國鹹豬手，睇到不禁「嘩」咗一聲。我叫個一人晚餐啫，隻豬手份量同出面德國餐廳單叫3-4人share嘅同一份量...抵食度爆登...冇咗酸菜但就有啲厚肉薯條舖底。豬手個皮烤到好脆，好香口，表面有少少甜甜地嘅蜜糖中和番肉嘅鹹味！食食吓另一主菜(D餐)，有別於一般常見嘅西冷同肉眼，餐廳將chuck嘅flap steak擺喺最貴嘅D餐度。友善嘅店員建議食medium，great，冇血水嘅牛扒點食得落。牛扒上枱時已經幫你切好，medium都算冇乜over。運動開嘅肌肉果然比較結實，如果超過medium應該會比較唔好咬。唔同黑椒，用青胡椒汁，帶出到個牛味，一邊實
Olive Cafe有幾張室外枱，位於行人天橋底，唔怕淋雨，適合帶埋寵物一同用餐。
餐廳集bar & dining cafe於一身，想hh飲杯嘢或食個正餐都好適合。
叫咗兩個晚餐，包括湯+餐包、前菜、主菜同餐飲。湯、前菜同餐飲可以按需要upgrade，今日唔餓，要咗最basic。
蕃茄湯酸酸哋，加埋香芒沙沙吞拿魚好開胃。
香煎芝麻吞拿魚配香芒沙沙
18 views
0 likes
0 comments
主菜(C餐)先上嘅係德國鹹豬手，睇到不禁「嘩」咗一聲。我叫個一人晚餐啫，隻豬手份量同出面德國餐廳單叫3-4人share嘅同一份量...抵食度爆登...冇咗酸菜但就有啲厚肉薯條舖底。豬手個皮烤到好脆，好香口，表面有少少甜甜地嘅蜜糖中和番肉嘅鹹味！
德國蜜糖芥末烤鹹豬手
$206
16 views
0 likes
0 comments
食食吓另一主菜(D餐)，有別於一般常見嘅西冷同肉眼，餐廳將chuck嘅flap steak擺喺最貴嘅D餐度。友善嘅店員建議食medium，great，冇血水嘅牛扒點食得落。牛扒上枱時已經幫你切好，medium都算冇乜over。運動開嘅肌肉果然比較結實，如果超過medium應該會比較唔好咬。唔同黑椒，用青胡椒汁，帶出到個牛味，一邊實實哋有咬口，一邊又仲有啲嫩。飽飽地咁又清埋。
香煎美國下肩舺翼板牛扒配青胡椒汁
$246
17 views
0 likes
0 comments
好飽冇轉特飲，叫咗好行嘅熱檸茶同凍咖啡。噫！又有少少驚喜，檸茶用Twinings English Breakfast Tea，而凍咖啡即使加咗咁多冰同奶，依家有好香濃嘅炭燒味，香醇而不酸。
Post
