勁餃笑

Open Now

Now Closed

📍勁餃笑個名真係好搞笑呀😂🫢不過令我意想不到嘅係呢度竟然係日系風裝潢，仲係貓貓主題添呀😍湯餃10隻🥟 $52叫咗大蔥牛肉拼大葉雞肉餃，餃子飽滿粒粒都晶瑩剔透，大蔥牛肉係必叫之選，啲蔥唔會多個牛肉餡，但仍然食到好香蔥味。大葉雞肉應該係用咗羅勒葉，估唔到同雞肉都幾夾。麻辣雞絲拌麵🍝 $50拉麵賣晒唯有揀冷麵，青瓜手撕雞好清爽，好重辣椒油味，食得辣嘅先好嗌🤞🏻雞湯關東煮🍢 $58超濃郁嘅雞湯，一啲都唔水，蘿蔔同竹崙完全吸收晒啲汁，煮到勁腍勁正👅煎朱古力餃🍫 $42出邊一定唔會有嘅組合😂朱古力餡唔會太甜，應該用咗黑朱古力，以超薄餃子皮包住煎到金黃色，真係好特別！