254
28
5
Level4
132
1
素「黃」行動, ACTION!
2020-10-06 199 views
阿妹極力推介素年, 咁岩見荃灣開左分店，好近屋企，所以短時間內食左2 次。第一次用餐日期係9 月11 日(星期五晚)，咁岩限聚令放寬左,  心血來潮想WALKIN 去食晩餐,  點知原來唔BOOK 就冇位啦, 咁唯有叫外賣返去食啦，外賣仲有9 折添!MENU 食物選擇唔算太多, 最後我地點左不可能肉醬意粉、冬蔭意大利飯同黑松露芝士蕃薯條。外賣大約等15 分鍾左右就有啦! 急不及待即刻返屋企食呀! 食物包裝用紙盒, 我好鍾意, 環保D，不過D 食物就唔太保溫。先試黑松露芝士蕃薯條, 雖然返到屋企唔係第一時間食, D 蕃薯條冇咁脆，但無損薯條本身既味道。鍾意黑松露味既, 可以點埋個黑松露醬呀! 不可能肉醬意粉 - 用上素肉黎煮, 但係口感食落同真既冇分別，而個醬汁酸酸地, 調味岩岩好, 真係好好味! 唔講真係唔覺食緊素。我同老公不斷夾不斷夾, 好快就食晒啦! 冬蔭意大利飯 - 有泰國茄子, 蕃茄仔, 露筍, 香茅等黎煮, 飯個質感係好粘稠。我本身唔算食得辣, 個飯食落我覺得比起平日出面飲既冬蔭公湯辣, 越食越出汗。配料茄子, 蕃茄仔, 露筍, 好好食。不過由於之前已經食左不可能肉醬意粉同黑
Read full review
7 views
0 likes
0 comments
阿妹極力推介素年, 咁岩見荃灣開左分店，好近屋企，所以短時間內食左2 次。

第一次用餐日期係9 月11 日(星期五晚)，咁岩限聚令放寬左,  心血來潮想WALKIN 去食晩餐,  點知原來唔BOOK 就冇位啦, 咁唯有叫外賣返去食啦，外賣仲有9 折添!

MENU 食物選擇唔算太多, 最後我地點左不可能肉醬意粉、冬蔭意大利飯同黑松露芝士蕃薯條。

86 views
0 likes
0 comments
106 views
0 likes
0 comments
外賣大約等15 分鍾左右就有啦! 急不及待即刻返屋企食呀! 

8 views
0 likes
0 comments
食物包裝用紙盒, 我好鍾意, 環保D，不過D 食物就唔太保溫。

黑松露芝士蕃薯條
$68
7 views
0 likes
0 comments
 先試黑松露芝士蕃薯條, 雖然返到屋企唔係第一時間食, D 蕃薯條冇咁脆，但無損薯條本身既味道。鍾意黑松露味既, 可以點埋個黑松露醬呀! 

不可能肉醬意粉
$88
12 views
0 likes
0 comments
 不可能肉醬意粉 - 用上素肉黎煮, 但係口感食落同真既冇分別，而個醬汁酸酸地, 調味岩岩好, 真係好好味! 唔講真係唔覺食緊素。我同老公不斷夾不斷夾, 好快就食晒啦! 


冬蔭意大利飯
$88
13 views
0 likes
0 comments
冬蔭意大利飯 - 有泰國茄子, 蕃茄仔, 露筍, 香茅等黎煮, 飯個質感係好粘稠。我本身唔算食得辣, 個飯食落我覺得比起平日出面飲既冬蔭公湯辣, 越食越出汗。配料茄子, 蕃茄仔, 露筍, 好好食。不過由於之前已經食左不可能肉醬意粉同黑松露芝士蕃薯條, 已經好飽, 所以呢個飯食左少少之後我留左第2 日食。第2 日煮返熱個飯黎食, 都好好食呀! 


----------------我是分隔線------------------

第二次用餐日期係9 月27 日, 星期日起身已經LUNCH TIME, 於是諗住落去素年睇下多唔多人食。一去到已經12:45, 都見到一堆人等緊, 裡面已經坐滿晒人, 估計已經入左第一輪。我地去拎籌, 要等9 張枱, 為左食好西, 等下啦。素年出面有張長椅, 不過當日有一邊泊左2 架單車 (係用緊餐既客人暫放的), 於是只有2/3 既位可以坐, 其他人唯有企o係度等。等左大約30 分鍾, 終於可以入坐啦! 

坐低後掙扎緊今日食咩好呢? 本來想食個純素沙律碗, 但係魚香茄子意粉又好吸引, 好啦! 作出當日既第一餐, 就食魚香茄子意粉啦! 老公就揀左黑松露蘑菇漢堡包。

魚香茄子意粉
$88
21 views
0 likes
0 comments
魚香茄子意粉 - 好好食呀!!!!!! 估唔到用中式煮法既意粉咁好食, 調味剛剛好,  唔會太咸! 意粉既軟硬度亦好適中, 唔會太淋! 唯一要彈既係油左少少, 不過整體黎講我接受到。我食到唔停口, 下次我都會再點黎食呀!!!! 

黑松露蘑菇漢堡包
$98
17 views
0 likes
0 comments
黑松露蘑菇漢堡包 - 老公點左呢個漢堡包, 等左大約10 分鐘先上, 我都已經食完我個意粉了。漢堡包配上老公鍾意食既蕃薯條, 佢好開心呀! 包中間有一塊大蘑菇同沙律菜, 好新鮮。蕃薯條好脆, 真係好好食, 跟餐既凍玄米茶亦不錯呀! 食完熱氣野再飲一口凍飲, 感覺不錯! 不過想講講個包既份量相比起其他飯或意粉較細, 男士食未必夠飽。

整體黎講, 餐廳裝修好靚, 好多打咭位, 我見好多女仔影相。而食物份量其實都大份, 男士都夠飽。相比起食物MENU, 飲品MENU 明顯較多選擇, 我見隔離枱ORDER 左花茶同咖啡, 下次可以試下呀!
Other Info. : 1. 等候期間見到有2 位僧侶去餐廳買外賣, 素年既菜色都得到佢地認同, 相信素食既朋友都可以安心。 2. 用餐期間見到客人有一家大細, 上年紀既叔叔姨姨, 感覺菜單適合任何年齡層。
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
3 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2020-09-27
    Waiting Time
    30 Minutes (Dine In)
    Spending Per Head
    $100
    Recommended Dishes
    黑松露芝士蕃薯條
    $ 68
    不可能肉醬意粉
    $ 88
    冬蔭意大利飯
    $ 88
    魚香茄子意粉
    $ 88
    黑松露蘑菇漢堡包
    $ 98