無肉食 (德興街) (Closed)

我哋成班朋友都去好喜歡放題 ，不論日式、韓式、雞煲之類…… 今次有朋友提議去食素放題，我個人就十分贊成，試下唔同嘅口味， 亦不怕太肥膩！種類都算豐富，有沙律、炒飯、炒麵、蔬菜、冬菇好大隻，炸物方面有春卷、炸雲吞、炸番薯、仲有小型嘅蛋撻仔，細細個咬落好脆，除此之外仲有哈密瓜做甜品！講真呢個價錢都算十分合理，呢度嘅適合一家大細，客人都好守規矩，都係用一隻碟，不似 酒店自助餐咁一隻碟食完又攞第二隻碟…… 呢度最好係畀小朋友一個實地教學，分什麼是廚餘，什麼是垃圾！食完自己放好啲碗碟筷子匙羹去清潔車内！