想甜嚐甜 (Closed)

2017年11月02，星期四，晚上09：00。經朋友介紹，去咗呢間糖水舖食糖水。一入店內，地方細細，大約有4～5張細枱，但環境設計得頗有心思，走著文青簡單嘅路線。店員有2個，負責樓面的店員有禮貌。打開餐牌一看，種類比不上大形連鎖店，但也要應有盡有的。有中式甜品，例如，湯圓。但大多數是西式甜品。最令我出奇的，是有乳酪雪糕在餐牌上，再看看廳房，真的有一部大大的雪糕機。一間細少的店，竟有一部雪糕機，我是何等欣賞！來到甜品方面，我和友人點了黑糖芋圓和芒果芋圓。黑糖芋圓嘅黑糖味好重，加上德國忌廉，口感細滑。而芒果芋圓就酸酸甜甜，內有雞蛋布丁，口感有層次。2款糖水入面嘅西米好爽爆，好似爆珠一樣，令人感到驚喜。而本人覺得芋圓就ok。但友人鐘意食芋圓就話呢間芋圓算好食。堂食坐位好少好細。但價錢唔貴，$34～$36一碗。相比起連鎖糖水店，我會更推介這一間！