龍湖居 (Closed)

自從上次 睇咗食評，去旺角朗豪坊食宵夜自助餐，真係不知所謂形容呢間嘢 。 今次睇咗食評，即管試下個早茶， 早茶要搭枱同一個公公及另外一個婆婆一齊搭枱，佢哋非常之歡迎我 。 原來早茶 孖寶 ，29.8，包含2款食品 ，我點咗，鹹魚肉片飯同埋蒸鯪魚球， 一般 酒樓早茶用的飯都係比較硬，一係就太過軟，質素比較差，咪用來畀早茶茶客食。 但係呢間嘅飯，軟硬適中有香味絕對唔差，早茶呢講真係有質素，肉片唔會用粉乸過D肉，醃過啲肉， 佢肉片咩入口好食唔係差嘅雪藏貨 。 鯪魚球早茶一般都整得唔好食，……女比銅鑼灣區，鳳城、譽宴、翠明軒、稻香、都唔好食， 呢個蒸鯪魚球唔腥加粉亦適中， 咬落口軟淋適中。 雖然佢個地方，就唔係咁大 。同埋佢哋升降機地下內有好多煙頭，可能係因為地牢 係遊戲機中心 。所以部升降機都會令人有大打折扣 及 升降機內沒有冷氣及抽氣有點焗促 。但是，佢嘅食物水準絕對唔差，招呼方面，早茶嘅姐姐都好好好，又唔會說話粗粗魯魯，大大力掟杯碟，又冇大大聲 說話 。 發現到一個早茶好地方一定會再去試下 。 其實點呢個鯪魚球，因為同枱婆婆話好食推介畀另一位同枱公公，咁我聽到當然就要叫個自己嘆下試下啦