西香記 (Closed)

曾經在大陸生活了幾年，最難忘的食物，也是最常吃的，必定是開到成行成市的蘭州拉麵。原因：平，抵吃，惹味，選擇多，快，十元八塊，即叫即拉嘅麵，當初真係驚為天人。所以而家每次返大陸，都會趁機幫襯下，有時仲真係想特登上去食碗麵。當時成日諗，如果香港開返間，一定大把生意，但好奇怪，當川菜雞煲係香港越開越有，連沙縣小吃都出現埋，偏偏遲遲未見蘭州拉麵嘅蹤影。（荃灣的所謂蘭州拉麵完全唔係戈回事）終於，遇到了西香記，雖然佢地係賣陝西風味麵食，但同蘭州拉麵口味相近，大家都係中國西北方，係門口望一望餐牌，無慮即決。入到去，裝潢都幾有特色。忍唔住一個人叫左幾樣野，首先係舖頭主打嘅肉夾饃！香港人可能未聽過，但係大陸生活過或者去過西北旅行一定聽過，因為係當地名物，其實就係中式burger!叫左金牌肉夾饃，用個精美紙袋包住。饃其實係個包，白色類似饅頭但又唔係饅頭，中間夾住肉就叫肉夾饃了，金牌肉夾饃夾的是撕開了的五花腩肉絲，用滷水煮過，咸甜適中，另外亦可以揀夾牛肉，一句講晒，絕對貼近正宗。個醬牛肉，絕對唔係一般急凍貨色，好有牛味又有肉汁，就好似同係大陸蘭州拉麵店食到嘅一樣，我估都可能係清真牛肉但最終都沒有求證（因為當