樂天大喜屋 (Closed)

自從疫情之後，真係好耐冇食放題啦，於是就叫左個朋友陪我去旺角食呢間樂天大喜屋，印象中呢間大喜屋已經開左好多年，估唔到人氣仲係咁高，一上到去見到人群擁擁，成個大堂塞滿哂🤩食物種類同其他放題都差唔多，都係刺身、壽司、卷物、小食同天婦羅等，但最正係呢到有個幾大既自助區，有凍海鮮、小菜、水果、甜品同飲品等，第一輪梗係要點刺身同壽司先，刺身選擇都算多，而且全部都幾新鮮😍尤其係甜蝦同帶子好鮮甜，而卷物有海膽手卷，味道唔錯😙炸燒物方面就叫左雞軟骨、天婦羅、燒菠蘿等，估唔到雞軟骨燒得岩岩仲好香tim🤤忍唔住encore左幾次，天婦羅亦都唔錯，我最推介既係燒菠蘿，好鮮甜又多汁，超開胃😝最後食左2個鐘超飽😚飽到連甜品同雪糕都冇食到，超可惜😭下次一定要再黎食😬