Video
Read full review
2013-01-02
206 views
2013年第一日同媽咪入西貢行，因為遲食早餐所以喺下午茶時間先食午餐。喺西貢望咗好多間西式餐廳都冇乜啱，一係價錢太貴，一係太多人，一係嘢食唔吸引。正當灰爆諗住死死氣行去食m記時，媽咪望到呢間餐廳，見到有樓上雅座並價錢相宜，我哋就二話不說地入咗去喇。入到去見到有兩group人坐緊，又發現原來後門有露天茶座，環境唔錯！不過嗰日我病咗唔想吹風所以決定坐樓上。望咗下menu，發現有我好鍾意食嘅panini！我點咗嗰chicken club panini, 媽咪叫咗嗰雞肉五穀包sandwich(餐牌上嘅詳細名稱有寫埋有咩饀，不過我唔記得亦冇影底。。。) 仲有每人一杯latte。當時樓面得一位哥哥仔，我哋叫咗嘢食後，佢都好好人咁應承可以拎食物上嚟俾我地。上到樓上，地方幾雅致！好多木製傢俬，張椅好重！！架上又有擺賣一啲外國食品。不過有兩張枱未執。。。不過算啦得一個人睇舖！枱上放叉同糖嘅器皿都好重！-_-#一定唔會俾人偷。。。不過睇得出係靚嘢！由於我地坐底後又有第啲客落單，我地都等咗一陣先有嘢食。好在有雜誌睇，又唔趕時間，坐下傾下計都唔覺等咗好耐！嘢食終於有喇！水準比我想像中好！面包塗滿香草醬，裡面嘅
入到去見到有兩group人坐緊，又發現原來後門有露天茶座，環境唔錯！不過嗰日我病咗唔想吹風所以決定坐樓上。
望咗下menu，發現有我好鍾意食嘅panini！我點咗嗰chicken club panini, 媽咪叫咗嗰雞肉五穀包sandwich(餐牌上嘅詳細名稱有寫埋有咩饀，不過我唔記得亦冇影底。。。) 仲有每人一杯latte。
當時樓面得一位哥哥仔，我哋叫咗嘢食後，佢都好好人咁應承可以拎食物上嚟俾我地。上到樓上，地方幾雅致！好多木製傢俬，張椅好重！！架上又有擺賣一啲外國食品。
不過有兩張枱未執。。。不過算啦得一個人睇舖！枱上放叉同糖嘅器皿都好重！-_-#一定唔會俾人偷。。。不過睇得出係靚嘢！
由於我地坐底後又有第啲客落單，我地都等咗一陣先有嘢食。好在有雜誌睇，又唔趕時間，坐下傾下計都唔覺等咗好耐！嘢食終於有喇！水準比我想像中好！面包塗滿香草醬，裡面嘅雞肉、蕃茄同紅椒整得好好！配菜嘅salad菜加咗醋非常醒胃，panini包脆脆地，杯latte亦不過不失。
我地坐咗好耐慢慢食，我同媽咪一致認為呢度可以再encore！
呢間餐廳其實可以整靚啲嗰門面同招牌。。因為吸引唔到人入去，好似我就差啲就咁行過咗㗎喇！
Post
