Video
Read full review
2013-05-16
1468 views
7個人慶祝母親節叫咗6個餸，估唔到咁難食嘅酒家仲可以生存 乳豬拼盆$168...味道無驚喜，但份量出奇地小；芝士龍蝦伊麵+蚧肉扒時蔬$268...從未食過咁奇怪嘅芝士伊麵，牛奶味多過芝士味，兩個字形容晒“難食”；啲時蔬真係用水煮完就上碟，完全無味；蝦籽柚皮$78...柚皮味道可以接受，但千祈唔好食配菜，因為未煮咖；冰淋醬骨$98...全晚唯一食得落嘅餸。
乳豬拼盆$168...味道無驚喜，但份量出奇地小；
芝士龍蝦伊麵+蚧肉扒時蔬$268...從未食過咁奇怪嘅芝士伊麵，牛奶味多過芝士味，兩個字形容晒“難食”；啲時蔬真係用水煮完就上碟，完全無味；
蝦籽柚皮$78...柚皮味道可以接受，但千祈唔好食配菜，因為未煮咖；
冰淋醬骨$98...全晚唯一食得落嘅餸。
Other Info. :
全餐晚飯難食之外，啲服務態度仲差到不知所謂！訂枱時，已經知道要坐露台位，諗住都係無冷氣咪吹下自然風囉，點知原來係停車場加厨房嘅後巷位，仲要最尾最後巷嗰張枱，前面嗰幾枱成晚都無人坐，都唔俾我哋坐！試下問下個部長，有無得安排好啲枱，當然佢都係話節日食飯無辦法，諗住算數啦！點知我轉身後，佢好唔客氣咁加多句“你唔鍾意嘅！可以唔食呢間喎！”，我真係著晒“火、火、火”，不過為免驚動老人家，我惟有忍住呢肚氣！叫埋單仲經典，個侍應話唔想行多轉，竟然未計數就要我俾張信用咭佢碌，我唔俾仲話費事來來回回，結果張單真係收多咗，佢又話費事再行，就叫我同佢去收銀碌咭！埋完單，明明只係俾返一張簽咭底單我，點知等lift時，個收銀走出嚟話我做咩攞埋佢張簽咭單，明明自己唔見咗，就屈我攞咗佢，簡直O咀！呢間食物同服務質素都咁差嘅酒家，真係怕怕，絕對唔會再有下次！
(The above review is the personal opinion of a user which does not represent OpenRice's point of view.)
Post