龍門冰室 (Closed)

今日真係極之肚餓，黎到龍門居呢到見到呢間龍門冰室，就入左去大開食介。入面好有懷舊冰室feel，地板同牆磚都好有feel。Menu都好多頁，好多特色+傳統冰室食物，揀左好耐先決定到！咸牛肉炒蛋：以前細細個成日去茶記食咸牛肉奄列，大個左搵唔返，但呢到見到有炒蛋，雖然唔係奄列，但都係以前個隻味道，正呀！好食！炸豬排撈一丁、咖哩汁：豬排好脆，咬落去連朋友都話聽到啲脆卜卜既聲！咖哩汁夠濃味、有椰香，唔錯。雞排滑蛋飯、龍蝦汁：雞排好重雞味，雞皮都煎得好香，無乜雪味；滑蛋炒得唔錯，真係「滑」既，唔係得個名求其炒隻老蛋。咖哩海鮮飯：面頭有隻煎蛋，切開有驚喜，原來係有料，入面係魚柳黎，好正呀！咖哩海鮮好足料，又青口又魷魚，好抵食。椒鹽雞翼：新鮮製作，熱辣辣、卜卜脆，不過有啲太咸。整體黎講，唔錯！