Video
Read full review
2014-07-01
512 views
前日(29-6-2014 Sun)同女友人WK聊o左成個晏晝,冇理由到夜晚唔理佢,唔同佢食飯,於是同埋男友,三個一齊搵o野食.諗唔到去邊o度食,男友話我o地食過,o係荃豐o個邊o個間日本o野.啊,呢間.WK又冇異議,就呢間啦.我o地o黎到o岩o岩爆滿,男友問老闆要等幾耐?佢答10分鐘左右.我提男友問有冇飛?佢就去問,然後留低電話俾老闆娘,有位call我o地.OK,我o地行吓,返轉頭時見多人等位,冇耐,老闆娘拎起手機打電話,應該係打俾我男友喇.男友手機響喇,冇錯,係有位.我o地坐低後,老闆同我o地講呢晚冇壽司.啊.男友要$38.00o既G餐,有加州卷(半條),和風炸餃子同稻庭湯烏冬.我要$45.00o既J餐,同樣有加州卷(半條)同稻庭湯烏冬,但和風炸餃子變o左薯絲蝦沙律.WK被男友推介,要o左$58.00o既蒲燒鰻魚丼.所有餐都送熱玄米茶或凍低糖綠茶,我o地三個都要晒凍低糖綠茶.Order完就研究小食,決定要埋$18.00o既七味雞件,$15.00o既鱆魚小丸子(3粒)同$22.00o既芝士春卷(5條).冇耐,三杯凍低糖綠茶到o黎,同上次一樣,都係用透明膠杯裝住,味道一樣咁好飲. 之後
諗唔到去邊o度食,男友話我o地食過,o係荃豐o個邊o個間日本o野.啊,呢間.WK又冇異議,就呢間啦.
我o地o黎到o岩o岩爆滿,男友問老闆要等幾耐?佢答10分鐘左右.我提男友問有冇飛?佢就去問,然後留低電話俾老闆娘,有位call我o地.
OK,我o地行吓,返轉頭時見多人等位,冇耐,老闆娘拎起手機打電話,應該係打俾我男友喇.男友手機響喇,冇錯,係有位.
我o地坐低後,老闆同我o地講呢晚冇壽司.啊.男友要$38.00o既G餐,有加州卷(半條),和風炸餃子同稻庭湯烏冬.我要$45.00o既J餐,同樣有加州卷(半條)同稻庭湯烏冬,但和風炸餃子變o左薯絲蝦沙律.WK被男友推介,要o左$58.00o既蒲燒鰻魚丼.所有餐都送熱玄米茶或凍低糖綠茶,我o地三個都要晒凍低糖綠茶.
Order完就研究小食,決定要埋$18.00o既七味雞件,$15.00o既鱆魚小丸子(3粒)同$22.00o既芝士春卷(5條).
冇耐,三杯凍低糖綠茶到o黎,
同上次一樣,都係用透明膠杯裝住,味道一樣咁好飲. 之後男友o既加州卷(半條)到o黎,
沙律醬係唧o係上面,內裡有青瓜,蟹柳同蛋,青瓜清甜,成個味道都正常.6分鐘後,和風炸餃子到o黎,
男友先食,熱騰騰脆卜卜,店方已經加o左少少豉油吊味.餃子餡都係正常o個啲o野,味道都一樣正常.
3分鐘後,兩碗稻庭湯烏冬,
唔係細碗,湯係醬油湯,烏冬滑,味道又o岩o岩好.之後WK o既,蒲燒鰻魚丼到o黎,
對比起我同男友第一次o黎食(o個個食評: http://www.openrice.com/restaurant/commentdetail.htm?commentid=2360267&tc=sr2&con=rvwer),好似冇o左蛋絲,味付八爪魚變o左味付螺肉,我冇問WK覺得點,不過佢冇bad comment.然後我o既薯絲蝦沙律到o黎,
賣相精緻,估唔到將涉律放o係薯片上面, 薯絲蝦炸得幾靚,食落,蝦係全隻o既,炸粉唔太多,
口感唔錯.而薯片沙律呢,我食o個塊已經開始受潮腍,呢個配搭都幾OK o既.最後,我o個半條加州卷終於到o黎,
幾驚佢o地漏o左,但其實佢o地一開始可以整晒兩碟出o黎,唔明點解要分兩次. =.=”上完所有套餐o既食物後,小食就開始到o黎,先o黎3粒鱆魚小丸子,
同樣炸得唔過火,配少少千島醬同食.呢個同樣個粉唔厚,但我食唔到鱆魚,唔通我錯過o左?內裡菜粒就多.
11分鐘後, 5條芝士春卷到o黎,
一樣炸得好靚同埋係o岩o岩炸起,食o既時候要特別小心.內裡o既半熔芝士夠味同軟,
但真係熱騰騰,小心燙傷.芝士係充滿o左成條,一啲都冇少到.5分鐘後,最後o既七味雞件到o黎,
顏色比之前o個啲炸物深,油唔算多,食落外脆內滑,
不過一啲都唔辣, 七味粉落得唔夠?我唯有自己加少少七味粉.呢o度o野食都係中規中矩,服務依然係因經驗唔夠,俾o左加州卷都重未俾筷子我o地.
環境:
舖位細一定迫夾,o黎食就一定要有心理準備.而冷氣略嫌唔多夠.
其他:
老闆向每個坐低o既客交帶聲冇壽司食,我o地隔離枱一個女顧客,趁佢男伴行開o左,一聽到就講晒粗口話o黎日式餐廳冇壽司,咁食X o野?o黎三次三次都冇….又問老闆可唔可以將壽司飯同餸分開上?你係啲飯未整起啫.老闆好有禮貌解釋唔可以o架,要等飯涼o左至撈得醋,咁會出事.
梗係啦,客人食到肚痛咪死?我o地覺得呢個女顧客無理,呢間冇佢大可以唔食,即刻起身走人,又或者食刺身丼,貪平靚正(其實我冇留意壽司類o既價錢)就係咁o架啦.
味道係3.4分, 抵食係2.58分
Post
