Video
Read full review
2019-06-16
521 views
餐廳：棕櫚閣西餐廳 (旺角)地址：旺角窩打老道75號九龍維景酒店1樓九龍維景酒店嘅棕櫚閣西餐廳最近換左新嘅自助餐menu，原本星期一至四晚成人價係$458加一(星期五六日$488)，依家有優惠淨價只係需要$398，作為一間略有知名度嘅酒店自助餐，呢個價錢絕對係抵到爛新嘅menu特別推介左海膽刺身蟹子沙律(每人限一份)、任食鐵板即煎鵝肝、虎蝦同羊扒、爐端燒、安格斯牛肉、焗雙皮奶等一埋位，餐廳侍應就先送上一份嘅海膽刺身蟹子沙律，份量都唔少，有成三排，絕無腥味，加入去蟹子沙律一齊食又或者直接用紫菜包住嚟食都一樣咁好味香煎鵝肝絕對係成餐自助餐嘅重點，前前後後足足拎左五六舊，每輪新鮮鵝肝大概需要煎7至8分鐘，而每一次都係排晒長龍，好多人專登企係到等，煎好唔洗1分鐘就已經俾人夾走晒，點解？鵝肝嘅油脂分泌令香味四溢，入口即溶，就算食完之後鵝肝果陣香味都依然徘徊係口入面，再加上即刻煎香嘅香脆多士麵包，同鵝肝形成一個強烈嘅對比，真係好好食~羊架香羶過人，羶味又唔會太濃，肉質鮮嫩軟腍，岩岩煎香嘅羊扒熱辣辣咁放入口一齒即開，肉汁係口罅到滲出黎，唔洗配醬汁都夠味道海鮮類仲有小龍蝦、長腳蟹、青口、螺、鮮蝦等；刺
地址：旺角窩打老道75號九龍維景酒店1樓
九龍維景酒店嘅棕櫚閣西餐廳最近換左新嘅自助餐menu，原本星期一至四晚成人價係$458加一(星期五六日$488)，依家有優惠淨價只係需要$398，作為一間略有知名度嘅酒店自助餐，呢個價錢絕對係抵到爛
新嘅menu特別推介左海膽刺身蟹子沙律(每人限一份)、任食鐵板即煎鵝肝、虎蝦同羊扒、爐端燒、安格斯牛肉、焗雙皮奶等
一埋位，餐廳侍應就先送上一份嘅海膽刺身蟹子沙律，份量都唔少，有成三排，絕無腥味，加入去蟹子沙律一齊食又或者直接用紫菜包住嚟食都一樣咁好味
香煎鵝肝絕對係成餐自助餐嘅重點，前前後後足足拎左五六舊，每輪新鮮鵝肝大概需要煎7至8分鐘，而每一次都係排晒長龍，好多人專登企係到等，煎好唔洗1分鐘就已經俾人夾走晒，點解？鵝肝嘅油脂分泌令香味四溢，入口即溶，就算食完之後鵝肝果陣香味都依然徘徊係口入面，再加上即刻煎香嘅香脆多士麵包，同鵝肝形成一個強烈嘅對比，真係好好食~
羊架香羶過人，羶味又唔會太濃，肉質鮮嫩軟腍，岩岩煎香嘅羊扒熱辣辣咁放入口一齒即開，肉汁係口罅到滲出黎，唔洗配醬汁都夠味道
海鮮類仲有小龍蝦、長腳蟹、青口、螺、鮮蝦等；刺身方面亦新鮮高質，有吞拿魚、三文魚、油甘魚；仲有數十款凍肉類、沙律同各式各樣嘅熱食、湯水；
甜品非常吸引，焦糖布丁、藍莓芝士蛋糕、朱古力合桃蛋糕、吉士鬆餅、任食Movenpick雪糕等，而我最鍾意食嘅就係榴槤奶凍，濃郁嘅榴槤製成香滑嘅奶凍，真係令人忍唔住食過返尋味~
咁高質嘅酒店自助餐，絕對值得一試再試
Post
