埠 (Closed)

政府近年大力起動九龍東， 但係其實暗地裏也起動緊港島東， 不過係由太古地產旗下嘅太古坊。 太古坊有好多座摩天大樓新落成， 近年好多大公司都搬嚟鰂魚涌、 亦有好多高學歷有錢人喺呢區返工， 所以越嚟越多高級嘅餐廳喺呢區做生意。而旁邊嘅西灣河鯉景灣本身都係高級豪宅，樓下有個 開放式商場叫做（soho east蘇豪東），沿海旁道路走，都係各式各樣嘅西餐廳有好多open area， 唯獨是喺西灣河碼頭有一間叫做（埠）嘅日本餐廳，走高質素日本菜路線，fine dining指數超高。 夜晚望維港東邊一帶，能夠遙望鯉魚門海峽，油塘、藍田、觀塘碼頭等景色。 宜家觀塘商廈都有外牆燈飾，夜晚睇七彩繽紛。 松葉蟹鍋燒烏冬，個人不嬲認為如果粉麵係餐廳自家製嘅話，就會畀高啲分數，起碼餐廳有心，同埋有誠意。雖然呢個係急凍冰鮮烏冬，但係個湯底做得非常高質素，有一陣陣昆布清香，鮮甜湯底也為烏冬增添不少味道。 關東煮，故名思義日本關東一帶嘅鍋煮物。溫泉蛋好有蛋味，生熟度五成，蛋黃做到流心嘅效果，其他配料例如年糕福袋亦夠煙韌有咬口。紫蘇梅子赤雞腿肉，日本產嘅雞肉一般都比中國內地嘅更有雞肉味。不過炭燒得有啲過火，肉質冇想像中