52C Medium Rare (Closed)

今日舖頭Fire warden training, 考試仲合格添。Haha…. 然後收工同牙Yu食晚餐。我地去左佐敦52C Medium Rare食網燒。樓梯佈置聖誕裝飾，幾有氣氛。幾得意既係自動開關既黑椒鹽，只要稍為傾斜，樽口就識得自動打開。豬梅肉+雞肉+五花腩 $88 ( total 150g)配餐湯，前菜，白飯，巨峰玉露豬梅肉切到薄片，燒兩下就熟，加上有柚子醋，微酸既醬汁配上豚肉類，瞬間多左層次。五花腩有一層肥膏，燒完後肥膏變得唔肥膩，反而多左油香感。雞肉燒完又燒，都好嫩口，唔乾唔老。下腰西冷+封門柳 $138 一樣有配餐湯，前菜，白飯，檸檬薏米肉質橫紋肥瘦均勻，燒完肉香唔韌唔老。稍稍加黑椒鹽，已經引到牛香肉嫩。前菜沙律新鮮，檸檬薏米唔太甜，仲係自家制，有肉有菜，又有健康飲品，感覺營養充分。