諾亞半熟蛋糕專門店 (Closed)

尖沙咀誠品有間諾亞經常聽呢間店既半熟芝士蛋糕。端午節前夕，收工後一於去試一試。店係誠品入面，唔算好大，但離遠已經見到佢既凍櫃。蛋糕好靚，有卡通樣有唔同水果樣收銀前面既餐牌本身想試伯爵紅茶味，可惜已紅被訂了，店員推介下，揀左蜂蜜味建議一早打電話去訂，以訂到自己想要既味道反正都未試過，今次就試下店員堆介的店員好有禮貌 又細心，係揀好要咩味道後，就問幾耐會去到有雪櫃既地方，因為佢要準備番相應既乾冰，擺係底見佢既飲品都係無添加，近排又熱氣，於是就試下佢既無添加薏米水，20多元，唔算貴！因為淨係個樽就好吸引值得一提既係，包裝好細心，除左底下有乾冰，仲有紙碟同膠叉，朋友gathering, 拎埋出去好方便蛋糕size 偏細亦都比起想像中薄，拎番屋企，3個人用左10分鐘食哂因為好好食，果然名不虛傳！ 淡淡既蜜糖香，鬆軟既蛋糕，入面有淡淡既芝士整體黎講，成個蛋糕都係淡香且鬆軟。淡淡既蜂蜜香但唔會覺得甜～淡淡既芝士唔會膩薏仁水都係出奇地淡，夏日炎炎，消暑一流！呢間既野真係好岩淡口味既我個玻璃杯仲好靚，飲完已經洗乾淨，打算用黎種花整體黎講，味道同服務都係滿分，值得推介