The Nest Coffee Shop

Open Now

Now Closed

朋友特登請半日假出嚟同我食咗間佢覺得勁難食嘅點心放題，喺食唔飽嘅情況之下，威逼佢請我食cake，哈哈！原來人來人往嘅彌敦道竟然有呢間落地玻璃地舖社企cafe☕️不過最唔好嘅係店面都唔細，但只有4張櫈🙄我哋一行三人入去都要等位～#蜂蜜蛋糕套餐 $65 6/10—————————————朋友叫咗個蜂蜜蛋糕套餐（唔記得影杯飲品🙈），一層層好似拿破崙X酥皮口感嘅餅皮，硬身而味淡。用叉拮會散晒，蜂蜜味就真係唔係太食到🍯，可惜。#蘋果金寶 $30 7.3/10—————————————我揀咗呢款蘋果金寶🍎，同樣都係厚硬身餅底，包住豐富蘋果粒同清甜果醬，果醬帶點蘋果同焦糖味，面頭則佈滿曲奇餅碎🍪兩者相比之下，Apple Crumble略勝一籌。 甜品味道真係一般，但環境清靜，除咗我哋三個都無人講嘢，加上透過落地玻璃望出彌敦道，突然覺得自己去咗另一個放空空間。